پاکستان کے سینیئر اداکار نعمان اعجان نے اپنے سوشل میڈیا پر منفرد لباس میں ایک تصویر شیئر کی ہے اور کیپشن میں ایک شعر بھی لکھا۔
مدتیں گزر گئیں حساب نہیں کیا
نہ جانے کس کے دل میں کتنے رہ گئے ہم
View this post on Instagram
نعمان اعجاز کی پوسٹ پر صارفین کی جانب سے دلچسپ تبصرے کیے جا رہے ہیں کسی نے ان کا موازنہ رنویر سنگھ سے کیا تو کوئی یہ کہتا نظر آیا کہ آپ اس لباس میں بہت مضحکہ خیز لگ رہے ہیں۔
ایک صارف نے پاکستان اور ترکیہ کے نجی پروڈکشن ہاؤسز کے اشتراک سے بنائے جانے والے تاریخی ڈرامے صلاح الدین ایوبی کا حوالہ دیتے ہوئے کہا کہ کیا آپ صلاح الدین ایوبی کا حصہ ہیں؟ جس پر اداکار کا کہنا تھا کہ ترکیہ والے پاکستانی فنکاروں پر سرمایہ کاری نہیں کرنا چاہتے۔
ایک صارف کا کہنا تھا کہ سر مجھے ایسا کیوں لگ رہا ہے کہ آپ بہت بور ہو رہے تھے اور اپ کو ایسا لباس پہن کر تصویر بنانے کا آئیڈیا آیا۔
ایک بھارتی صارف نے اداکار سے سوال کیا کہ آپ کب سے بالی ووڈ اداکار رنویر سنگھ کو فالو کرنے لگے جس پر نعمان اعجاز نے جواب دیا کہ میں رنویر سنگھ کو نہیں بلکہ وہ مجھے فالو کرتے ہیں۔
واضح رہے کہ بالی ووڈ اداکار رنویر سنگھ اداکاری کے علاوہ اپنے منفرد اور دلچسپ فیشن کی وجہ سے مشہور ہیں جس پر صارفین اکثر ان کا مذاق اڑاتے نظر آتے ہیں۔
