ہارون کادوانی اور کومل میر کی ڈراما سیریل ’عشق ہوا‘ کا پہلا ٹریلر ریلیز کردیا گیا ہے۔
مزید پڑھیں
سیونتھ اسکائی انٹرٹینمنٹ کی پروڈیوس کردہ ڈراما سیریل ’عشق ہوا‘ کا ٹریلر ریلیز کردیا گیا ہے، یہ ڈراما سیریل جیو ٹی وی پر نشر کی جائے گی۔
اس ڈراما سیریل کے پروڈیوسر عبداللہ کادوانی اور اسد قریشی ہیں، نوجوان اور باصلاحیت اداکار ہارون کادوانی، کومل میر، سحر ہاشمی اور سہیل سمیر اس سیریل میں اہم کردار ادا کر رہے ہیں۔
ڈراما سیریل کی ہدایات سید وجاہت حسین نے دی ہیں، جنہوں نے ڈراما سیریل خئی کی ہدایتکاری سے بھی شہری پائی تھی۔
View this post on Instagram
اس سیریل کی کہانی مشہور مصنفہ نوراں مخدوم نے لکھی ہے، اس کی کاسٹ میں فضیلہ قاضی، رمیز صدیقی اور شہزاد مختار بھی شامل ہیں۔
جیو انٹرٹینمنٹ اور سیونتھ اسکائی انٹرٹینمنٹ کی جانب سے گزشتہ روز اس ڈراما سیریل کا پہلا ٹریلر جاری کیا گیا ہے، ٹریلر تبریز کی محبت کی کہانی کے بارے میں فراہم کرتا ہے، جس کا کردار ہارون کادوانی نے ادا کیا ہے۔
ٹریلر میں کومل میر، سحر ہاشمی اور سہیل سمیر کو بھی دکھایا گیا ہے۔
