حال ہی میں چاہت فتح علی خان کی گائیکی کے بعد ‘اکھ لڑی بدو بدی’ گانا مقبولیت کی بلندیوں پر پہنچ گیا لیکن اس گانے کے حوالے سے یہ بحث بھی جاری ہے کہ اس گانے کا مطلب کیا ہے۔
مائیکرو بلاگنگ ویب سائٹ ایکس پر اس گانے کے حوالے سے دلچسپ بحث چھِڑ گئی جس میں سابق وفاقی وزیر فواد چوہدری بھی اپنا حصہ ڈالتے ہوئے نظر آئے۔ ایک خاتون صحافی صباحت ذکریا نے ایکس پر ایک پوسٹ میں پوچھا کہ ‘تو، یہاں ایک جھگڑا ہو رہا ہے، میں کہتی ہوں (اور ایک بھارتی پنجابی دوست اس سے متفق ہے) کہ بدو بدی کا مطلب ہے چھیتی چھیتی یا جلدی جلدی’۔
انہوں نے مزید کہا کہ تاہم ان کے شوہر کا کہنا ہے کہ اس کا مطلب ہے: ‘ایویں/بغیر کسی وجہ کے’۔ اپنی پوسٹ میں صحافی نے پنجابی زبان بولنے والے دیگر افراد کو دعوت دی کہ وہ اپنا مؤقف پیش کریں، جس پر متعدد لوگوں نے بدو بدی کے مطلب پر اپنی رائے دی، جن میں فواد چوہدری بھی شامل تھے۔
Badoo Badi means “Without will” Zabardasti, something on which you have no control, in this NoorJahan super hit it is used as “lost control over my eyes, my eyes are searching for my beloved”…
— Ch Fawad Hussain (@fawadchaudhry) June 8, 2024
فواد چوہدری جو خود بھی پنجابی ہیں، انہوں نے اس کا مطلب بتاتے ہوئے رپلائی کیا کہ بدو بدی کا مطلب ہے ‘مرضی کے بغیر’ زبردستی، وہ چیز جس پر آپ کا کوئی اختیار نہیں۔ ساتھ ہی انہوں نے گانے میں اس لفظ کے استعمال کی تشریح کرتے ہوئے کہاکہ نورجہاں کے اس سپر ہٹ گانے میں اسے یوں استعمال کیا گیا ہے کہ ‘میری آنکھوں پر کنٹرول کھو گیا، میری آنکھیں اپنے محبوب کو ڈھونڈ رہی ہیں’۔
So, there is a dispute happening here. I say (and an Indian Punjabi friend agrees) that bado badi means chheti chheti/jaldi jaldi, husband says aewin/without a reason. Punjabis weigh in, please.
— Sabahat Zakariya (@sabizak) June 8, 2024
خیال رہے کہ یہ گانا 60 کی دہائی میں آنے والی بالی وڈ فلم بنارسی ٹھگ میں اداکارہ ممتاز پر فلمایا گیا تھا جسے پاکستانی گلوکارہ میڈم نورجہاں نے اپنی آواز دی تھی۔ چاہت فتح علی خان کا گایا ہوا ورژن تو یوٹیوب نے کاپی رائٹ کی خلاف ورزی کی بنا پر ڈیلیٹ کردیا ہے۔
