پاکپتن میں خاندان کے 7 افراد کو قتل کرنیوالے سفاک ملزم کو ساتھی سمیت گرفتار کر لیاگیا۔
پولیس کے مطابق ملزم اسد اور سرور کو خیبرپختونخوا سے گرفتار کیا گیا ہے۔
یاد رہے کہ ملزم اسد نے ساتھی سرور سمیت گھر میں گھس کر فائرنگ کر کے اپنی ماں، دو بھائی، بھابھی اور تین بھتیجیوں کو فائرنگ کر کے قتل کر دیا تھا۔
اس افسوسناک واقعے کے بعد ڈی پی او پاک پتن نے ملزم کی گرفتاری کے لیے خصوصی ٹیم تشکیل دیتے ہوئے فورینزک سائنس لیبارٹری کے ماہرین کو بھی تحقیقات میں شامل کیا۔
اس خصوصی ٹیم نے دو ملزمان کو جدید ٹیکنالوجی کی مدد سے 24 گھنٹے کے اندر خیبر پختونخوا سے گرفتار کرلیا۔ دونوں ملزمان کو پنجاب منتقل کیا جائے گا۔
ملزمان نے ابتدائی تفتیش میں7 افراد کو جائیداد کے تنازعہ پر قتل کرنے کا اعتراف کرلیا ہے۔ پولیس کے مطابق گرفتار ملزمان کے سہولت کاروں کی تلاش جاری ہے۔
