برطانیہ میں بلیوں پر مائیکرو چپ لازمی قرار، خلاف ورزی کرنیوالے مالک پر کتنا جرمانہ ہوگا؟

برطانیہ میں بلی پالنے کے لیے نیا قانون نافذالعمل ہے، قانون کی خلاف ورزی کرنے والے بلی کے مالک پر 55 پاؤنڈ (19 ہزار 348 پاکستانی روپے) جرمانہ عائد کیا جائے گا۔

چینی خبررساں ادارے شنہوا کے مطابق برطانیہ کی وزارت دیہی امور و ماحولیات نے ملک میں بلیاں پالنے والے افراد کے لیے نیا قانون بنایا ہے، جو نافذالعمل ہوگیا ہے، نئے  قانون کے تحت بلیاں پالنے والے افراد کو اپنی بلیوں پر مائیکروچپ لگوانا ضروری ہے۔

واضح رہے کہ 2016 میں برطانیہ میں کتے پالنے کے لیے بھی اس طرح کے قوانین وضع کیے گئے تھے جو اب پالتوبلیوں پر بھی لاگو کیے جارہے ہیں۔

اعداد و شمار کے مطابق برطانیہ بھر میں اس وقت ایک کروڑ 10لاکھ سے زائد پالتو بلیاں ہیں، جن میں سے 23 لاکھ مائیکرو چپ کے بغیر ہیں۔