پاکستانی کرکٹ ٹیم کے سابق کپتان شاہد آفریدی کی ایک پرانی ویڈیو سوشل میڈیا پر وائرل ہو رہی ہے جس پر انہیں شدید تنقید کا سامنا ہے۔ شاہد آفریدی نے نجی نیوز چینل کے ایک پروگرام میں شرکت کی جس میں ان کے ساتھ ایک گیم کھیلی جاتی ہے۔
سیگمنٹ میں مہمان کے کانوں میں ہیڈ فون لگا کر چند الفاظ بولے جاتے ہیں اور مہمان نے بتانا ہوتا ہے کہ ان کے سامنے کون سے الفاظ بولے گئے ہیں اسی طرح شاہد آفریدی کے کانوں میں بھی ہیڈ فون لگایا گیا اور میزبان نے ان کے سامنے’ لیگ بی فوروکٹ ‘ کہا، شاہد آفریدی کافی دیر تک اندازہ لگاتے رہے کہ میزبان کیا کہنا چاہ رہے ہیں، اس کے بعد میزبانوں نے اشاروں کی مدد سے بھی بتانا چاہا جس پر شاہد آفریدی درست جواب نہ دے سکے۔
شاہد آفریدی نے ہیڈ فون اتار کر میزبان سے کہا کہ تم غلط کہہ رہے ہو اس لیے مجھے سمجھ نہیں آرہی۔ اس سوال پر میزبان نے بتا یا کہ ’لیگ بی فور وکٹ‘۔ شاہد آفریدی نے کہا کہ لیگ بی فور وکٹ‘ کیا ہوتی ہے ؟ شاہد آفریدی کے اس سوال پر میزبان نے فوری کہا کہ ’ایل بی ڈبلیو‘۔ سابق کپتان نے میزبان سے کہا کہ یہ کونسی کرکٹ کی زبان استعمال کر رہے ہو میں پہلی بار سن رہا ہوں۔
اس پر صارفین کی جانب سے شاہد آفریدی کو خوب تنقید کا نشانہ بنایا جا رہا ہے کہ پاکستانی کرکٹر کو ایل بی ڈبلیو آوٹ کا ہی نہیں پتہ۔ صحافی طارق متین نے کہا کہ ’ایل بی ڈبلیو‘ کا پتہ نہیں ہے اور باتیں این آر او کی کرنی ہیں۔
پتہ LBW کا نہیں ہے اور باتیں NRO کی کرنی ہیں۔#ShahidAfridi pic.twitter.com/i011ag4vhq
— Tariq Mateen (@tariqmateen) March 22, 2024
ایک صارف نے لکھا کہ شاہد آفریدی نے 500 سے زیادہ بین الاقوامی میچ کھیلے ہیں اور ون ڈے ورلڈ کپ میں کپتانی کی ہے لیکن یہ ایل بی ڈبلیو کے بارے میں نہیں جانتے۔
Aik tau ye parhay likhay nahi hen, dusra ye koshish b nahi kertay, this guy has played over 500 international matches and captained in ODI wcup, and don't know about LBW!! https://t.co/xqMpfGTrb3
— Aalii jaah 🇵🇸 🇵🇰 (@do_mind_plz) June 18, 2024
شاہد امام لکھتے ہیں کہ شاہد آفریدی بین الاقوامی کھلاڑی ہیں اور ان کا یہ عالم ہے کہ وہ ایل بی ڈبلیو کے بارے میں ہی نہیں جانتے۔
قربان صدقے واری جاؤں ۔۔۔۔۔
انٹرنیشنل کھلاڑی اور یہ عالم ۔۔۔۔ !!!
— Shahid Imam (@NexShahid) March 23, 2024