بالی ووڈ اداکارہ سوناکشی سنہا کے شادی کے بندھن میں بندھنے کے بعد اپنے مسلمان شوہر ظہیر اقبال کے ساتھ رومانوی رقص کے چرچے سوشل میڈیا پر ہونے لگے۔
اداکارہ سوناکشی سنہا کی تقریبِ ولیمہ سے جڑی کئی ویڈیوز سوشل میڈیا کے ذریعے سامنے آ رہی ہیں ، جنہیں دیکھ کر اندازہ ہوتا ہے کہ نئے نویلے جوڑے سمیت تمام مہمان بھی بے انتہا خوش ہیں اور انہیں نئی زندگی کی شروعات پر مبارکباد پیش کر رہے ہیں۔
گرینڈ عشائیہ سے جڑی ایک اور خصوصی ویڈیو سامنے آ رہی ہے، جس میں دلہن و دولہا اسٹیج کے سامنے رومانوی گانے حسنِ جاناں کی تعریف ممکن نہیں، آفریں آفریں پر ڈانس اسٹیپس پرفارم کررہے ہیں۔ شوہر ظہیر کے ہمراہ پہلے تو سوناکشی بہترین انداز میں رقص کرتی رہیں پر آخر میں شرما گئیں۔
View this post on Instagram
اس جوڑے کی دعوت ولیمہ میںلیجنڈری اداکارہ ریکھا، ادیتی راؤ حیدری، تبو، سائرہ بانو، یو یو ہنی سنگھ، روینہ ٹنڈن، ودیا بالن و شوہر، ہما قریشی، کاجول، سلمان خان کے بھائی ارباز خان اور سلمان خان کے باڈی گارڈ شیرا سمیت دیگر اسٹارز نے خصوصی شرکت کی۔
