آئی سی سی ٹی20 ورلڈ کپ سپر ایٹ مرحلے کے اہم میچ میں بھارت نے آسٹریلیا کو 24 رنز سے شکست دے کر سیمی فائنل کے لیے کوالیفائی کرلیا۔
آج کا میچ سینٹ لوشیا میں کھیلا گیا جہاں آسٹریلیا کے کپتان مچل مارش نے ٹاس جیت کر پہلے فیلڈنگ کا فیصلہ کیا اور بھارت کو بیٹنگ کی دعوت دی، اور یہ فیصلہ ان کے لیے بھاری ثابت ہوا۔
India advance to the semi-finals of the #T20WorldCup 2024 🔥🇮🇳
Rohit Sharma’s marvellous 92 combined with a superb bowling effort hand Australia a defeat in Saint Lucia 👏#AUSvIND | 📝: https://t.co/lCeqHIMg1Y pic.twitter.com/HklyIAXzvL
— ICC (@ICC) June 24, 2024
بھارت کے 206 رنز کے ہدف کے تعاقب میں آسٹریلیا کی ٹیم 181 رنز تک محدود ہوگئی، اب ان کے لیے سیمی فائنل میں رسائی اگر مگر کا شکار ہوگئی ہے۔
آسٹریلیا کو اب بنگلا دیش اور افغانستان کے میچ میں افغان ٹیم کی ہار پر انحصار کرنا ہوگا۔
بھارت کی بیٹنگ
بھارت نے پہلے بیٹنگ کرتے ہوئے مقررہ 20 اوورز میں 205 رنز اسکور کیے اور ان کے 5 کھلاڑی آؤٹ ہوئے۔
بھارت کی طرف سے کپتان روہت شرما نے 92 رنز کی شاندار اننگز کھیلی، جس میں انہوں نے 8 چھکے اور 7 چوکے لگائے۔
اس کے علاوہ سوریا کمار یادیو 31، شیوم دوبے 28، رشبھ پنت 15، ہاردک پانڈیا 27 اور جڈیجا نے 9 اسکور بنائے۔
آسٹریلیا کی جانب سے مچل اسٹارک اور مارکس اسٹوئنس نے 2،2 کھلاڑیوں کو پویلین کی راہ دکھائی۔
آسٹریلیا کی بیٹنگ
206 رنز کے ہدف کے تعاقب میں آسٹریلیا کی ٹیم مقررہ 20 اوورز میں 181 رنز بنا سکی، اور اس کے 7 کھلاڑی آؤٹ ہوئے۔
آسٹریلیا کی جانب سے کپتان مچل مارش اور ٹریوس ہیڈ نے جارحانہ اننگز کھیلی مگر پھر بھی بھارت کو شکست دینے کا خواب پورا نہ ہوسکا۔
کپتان مچل مارش نے 37 رنز اسکور کیے، جبکہ ٹریوس ہیڈ 76 رنز بنا کر نمایاں بیٹر رہے۔
اس کے علاوہ گلین میکسویل 20، ٹم ڈیوڈ نے 15، مارکس اسٹوئنس نے 2 اور میتھو ویڈ نے ایک رن بنایا۔
