بالی ووڈ کی خوبرو اداکارہ دیپیکا پڈوکون جو آج کل امید سے ہیں اور ان کے ساتھی اداکار نے ان کے آنے والے بچے کے حوالے سے بڑی پیشگوئی کردی۔
ریلیز سے قبل ہی تنازعات کا شکار ہونے والی اس سائنس فکشن فلم ’کالکی 2898 AD‘ کو لے کر جہاں پوری کاسٹ پرجوش ہے وہیں اس فلم کے پوسٹر میں اداکار امیتابھ بچن کے غضب ناک لُک کے ساتھ ساتھ اس میگا بچٹ فلم کو لے کر شائقین پرجوش نظر آرہے ہیں۔
ایک تقریب میں اداکار کمل ہاسن نے کالکی اداکارہ دیپیکا کے ہونے والے بچے کے بارے میں پیشگوئی کرکے سب کی توجہ اپنی جانب مبذول کرالی۔
اداکارہ دیپیکا پڈوکون کے بے بی بمپ کی جانب اشارہ کرتے ہوئے انہوں نے کہاکہ یہ فلم اسی نے بنائی ہے۔ ہمیں امید ہے کہ یہ بچہ بھی کسی دن فلم بنائے گا۔
یاد رہے کہ اداکارہ دیپیکاپڈکون اور رنویر سنگھ نے 29 فروری 2024 کو ایک مشترکہ انسٹاگرام پوسٹ میں حمل کا اعلان کیا تھا۔ اداکارہ کی پوسٹ کے مطابق یہ جوڑا رواں سال ماہ ستمبر میں اپنے پہلے بچے کا استقبال کرنے کو پوری طرح تیار ہے۔