آئی سی سی ٹی20 ورلڈ کپ کے اہم میچ میں افغانستان نے بنگلادیش کو 8 رنز سے شکست دے کر سیمی فائنل کے لیے کوالیفائی کر لیا ہے، افغانستان نے بنگلادیش کو جیت کے لیے 116 رنز کا ہدف دیا تھا مگر بنگال ٹائیگرز 105 رنز ہی بناسکے اور پوری ٹیم آؤٹ ہوگئی۔
افغانستان کی جیت کے بعد سوشل میڈیا پر صارفین مختلف آرا کا اظہار کر رہے ہیں۔ احمد منصور لکھتے ہیں کہ ٹی20 ورلڈ کپ میں افغانستان سیمی فائنل میں شیروں اور دلیروں کی طرح پہنچا ہے، جس نے بنگلا دیش کو میچ کے آخری لمحات میں دلچسپ طریقے سے ہرا دیا۔ ان کا مزید کہنا تھا کہ افغانستان کی پوری ٹیم متحد نظر آئی، اس میں نہ کوئی گروپنگ تھی، نہ حسد اور نہ ہی کسی کا مورال ڈاؤن تھا۔
امریکہ میں ٹی ٹونٹی ورلڈ کپ میں افغانستان سیمی فائنل میں شیروں اور دلیروں کی طرح پہنچا۔۔۔بنگلہ دیش کو آخری لمحات میں کیسے ہرایا۔ دیکھیں کہ جیت کے لیے سنسنی خیز لمحات میں اعصاب کو کیسے قابو کیا جاتا، کوئی panic نہیں۔ پوری ٹیم ایک نظر آئی، نہ کوئی گروپنگ نہ حسد نہ مورال ڈاؤن۔۔۔۔ویل…
— Ahmed Mansoor (@AhmedMansorReal) June 25, 2024
ایک صارف نے افغانستان کے کھلاڑیوں کی بیٹنگ کرتے ہوئے دلچسپ ویڈیو شیئر کی جس میں کھلاڑی رنز لیتے ہوئے ایک ہی سمت میں بھاگتے نظر آئے۔ صارف نے ویڈیو پر مزاحیہ انداز میں لکھا کہ ایک موقع پر ایسا لگ رہا تھا کہ کھلاڑی کریز پر آنے کے لیے ایک دوسرے کے خلاف ہی دوڑ لگانے کی کوشش کر رہے تھے۔
Comedy of errors!
Looked like, at one point, they were trying to race against each other to get to the crease 😀#T20IWorldCup #AfgVsBan pic.twitter.com/Ha7kv473d8
— Gautham CB (@gauthamcb) June 25, 2024
حبیب خان لکھتے ہیں کہ افغانستان اور بنگلا دیش کا میچ کسی ڈرامے یا فلم سے کم نہیں تھا، پہلے وکٹیں گرتی ہیں، پھر چوکے لگتے ہیں۔
افغانستان بنگلہ دیش میچ نہیں بلکہ کسی ڈرامے یا فلم سے کم نہیں وکٹ گرتی ہیں پھر چوکے لگتے ہیں 🤔😊🏏❤️
— HABIB KHan PML_ N (@HabibKh34325804) June 25, 2024
ماریہ راجپوت لکھتی ہیں کہ چند سال قبل راشد خان نے کہا تھا کہ جب افغانستان ورلڈ کپ جیتے گا میں تب شادی کروں گا، اس وقت یہ بات غیرحقیقی تھی لیکن اب چیزیں افغانستان کے حق میں ہیں اور وہ تاریخ بنانے کے بہت قریب ہیں۔
"I'll get married when Afghanistan wins the World Cup." This was unreal when Rashid said it few years ago…. But now things are in his favour…. They are very close to make history…. pic.twitter.com/IxHem0YhvS
— Mariya Rajput (@mariya_raj10) June 25, 2024
ایک ایکس صارف نے طنزاً لکھا کہ افغانستان کے لوگوں کو پاکستانی عوام کا شکریہ ادا کرنا چاہیے کیونکہ آج پاکستانی عوام بنگلا دیش کو سپورٹ کر رہی تھی۔
افغانستان کے لوگوں کو پاکستانی عوام کی شکریہ ادا کرنا چاہیے کیونکہ آج پاکستانی عوام بنگلہ دیش کو سپورٹ کر رہی تھی
— پاکستان زندہ باد ✌️🇵🇰 (@pure_pakistani7) June 25, 2024
واضح رہے کہ افغانستان کی فتح سے آسٹریلیا ایونٹ سے باہر ہوگیا ہے۔ اب سیمی فائنل میں افغانستان کا مقابلہ جنوبی افریقہ سے ہوگا جبکہ دوسرے سیمی فائنل میں انگلینڈ بھارت کے مدمقابل ہوگا۔
خیال رہے کہ ٹی20 ورلڈ کپ میں پہلا سیمی فائنل 27 جون کو افغانستان اور جنوبی افریقہ کے درمیان ٹرینیڈاڈ اینڈ ٹوباگو میں کھیلا جائے گا۔ ایونٹ کا دوسرا سیمی فائنل بھی 27 جون کو ہوگا جو گیانا میں انگلینڈ اور انڈیا کے درمیان کھیلا جائے گا۔