قومی ٹیم کے سابق چیف سلیکٹر و کپتان انضمام الحق نے ٹی20 ورلڈکپ میں آسٹریلیا اور بھارت کے درمیان ہونے والے میچ میں بھارتی فاسٹ بولر ارشدیپ سنگھ پر بال ٹیمپرنگ کا الزام عائد کردیا۔
نجی ٹی وی میں گفتگو کرتے ہوئے انضمام الحق نے کہا کہ ٹی20 ورلڈکپ کے سپر 8 راؤنڈ میں آسٹریلیا اور بھارت کے درمیان ہونے والے میچ کے 15ویں اوور میں ارشدیپ سنگھ گیند کو ریورس سوئنگ کررہے تھے۔
ان کا کہنا تھا کہ نئی گیند اتنی جلدی ریورس نہیں ہوتی اس کا مطلب ہے کہ گیند 12 ویں یا 13ویں اوور تک ریورس سوئنگ کے لیے تیار تھی۔ انضمام الحق کا کہنا تھا کہ امپائرز کو ان چیزوں میں آنکھیں کھلی رکھنی ہوں گی۔
Inzamam Ul Haq said, "Arshdeep Singh's balls were swinging, something was done to the ball by India". pic.twitter.com/63m1YoW7RE
— Mufaddal Vohra (@mufaddal_vohra) June 26, 2024
اس موقع پر فکسنگ کے الزام میں سزا یافتہ پاکستان کے سابق کپتان سلیم ملک نے کہا کہ اگر ارشدیپ 15ویں اوور میں گیند ریورس کررہے ہیں تو اس کا مطلب صاف ہے کہ بال کے ساتھ چھیڑخانی کی گئی تھی۔
ان کا مزید کہنا تھا کہ جب کچھ ٹیموں کی بات آتی ہے تو آنکھیں بند رکھی جاتی ہیں اور انڈیا ان ٹیموں میں سے ایک ہے۔ ان کا کہنا تھا کہ اگر پاکستانی بولرز گیند کو ریوس سوئنگ کردیتے تو ہنگامہ برپا ہوجاتا۔
انضمام الحق کے اس بیان پر صارفین کی جانب سے مختلف تبصرے کیے جا رہے ہیں، ایک بھارتی صارف نے کہا کہ انضمام الحق نے بھارتی کھلاڑی پر بال ٹیمپرنگ کا الزام لگایا کوئی ثبوت نہیں دیا۔ صارف نے مزید کہا انضمام الحق نے ایسا اس لیے کہا کیونکہ وہ بھارتی فاسٹ بولر کی کامیابی کو ہضم نہیں کر سکے۔
Inzamam ul Haq accuses India of ball tampering because Arshdeep Singh managed reverse swing. No proof given. Just one insanely jealous former Pakistani cricketer who cannot digest the success of an Indian fast bowler.
What the duck
Inzamam ul Haq???
https://t.co/f6GudlqidU— Major Gaurav Arya (Retd) (@majorgauravarya) June 26, 2024
ایک صارف نے انضمام الحق کے بیان پر تبصرہ کرتے ہوئے ایک ویڈیو شیئر کی جس میں پاکستان کا مقابلہ انڈیا سے ہے اور پاکستان بیٹنگ کر رہا ہے صارف نے کہا کہ ارشدیپ نے وہی کیا جو عرفان پٹھان نے پاکستان کی فلیٹ پچز پر کیا تھا۔
Yes Arshadeep did the same of what Irfan Patan did on Pakisthan flat pitches https://t.co/gTBOmygFbh pic.twitter.com/kOFGh2dU0Y
— ☆•ℜ༏ʂɧ༏•☆ (@ursrishi7) June 26, 2024
واضح رہے کہ بھارت کے ہاتھوں آسٹریلوی ٹیم کو 24 رنز سے شکست ہوئی تھی اور بنگلادیش کی افغانستان کے ہاتھوں ہار کے بعد کینگروز کی ٹیم ٹورنامنٹ سے باہر ہوگئی تھی۔
