پیسکو کی جانب سے گرمی کی شدت میں اضافے کے پیش نظر صارفین کے لیے بڑا ریلیف دیا گیا ہے، پیسکو کے 75 ہائی لاس فیڈرز پر لوڈشیڈنگ کا دورانیہ کم کر کے 12گھنٹے کر دیا گیا ہے۔
مزید پڑھیں
مذکورہ فیڈرز پر گزشتہ روز سے صارفین کو لوڈشیڈنگ میں ریلیف دیا جا چکا ہے۔ ان مخصوص فیڈرز پر اگلے 15روز تک لاسز کو کم کرنے کے لیے آپریشن کیا جائے گا۔ صرف لاسز کم ہونے کی صورت میں ریلیف جاری رکھا رہے گا۔
ان فیڈرز میں پشاور سرکل کے 13، خیبر سرکل کے 18،ڈی آئی خان سرکل کے 27 فیڈرز شامل ہیں۔ جب کہ بنوں سرکل کے 13، مردان سرکل کے 3 اور صوابی سرکل کے 1فیڈرز پر بھی ریلیف دیا گیا ہے۔
ان مخصوص فیڈرز پر اگلے 15روز تک لاسز کو کم کرنے کیلئے ٹیمیں تشکیل د ی گئی ہیں۔ ایس ڈی او کے علاوہ اسسٹنٹ کمشنرز، پولیس اور متعلقہ علاقوں کے ایم این اے اور ایم پی اے بھی آپریشن میں حصہ لیں گے۔
تشکیل کردہ ٹیموں کا ہدف کنڈا کلچر کا خاتمہ، واجبات کی وصولی اور لوگوں کو میٹرا ئزیشن کے طرف راغب کرنا ہے۔ اس کے علاوہ مختلف علاقوں میں جرگوں کے ذریعے بھی مسائل حل کئے جائیں گے۔