اسپیکر پنجاب اسمبلی ملک احمد خان نے پنجاب اسمبلی کی 27 قائمہ کمیٹیاں تشکیل دے دیں۔
تشکیل دی گئی کمیٹیوں میں ایگریکلچر، وزیراعلیٰ انسپیکشن ٹیم، کمیونیکیشن اینڈ ورکس، ایکسائز اینڈ ٹیکسیشن اور فنانس شامل ہیں۔
مزید پڑھیں
اس کے علاوہ ویمن ڈویلپمنٹ، ہائیر ایجوکیشن، ہوم، ہاؤسنگ، ہیومن رائٹس اور انفارمیشن اینڈ کلچر کمیٹیاں تشکیل دی گئی ہیں۔
اسپیکر کی طرف سے تشکیل دی گئی کمیٹیوں میں اریگیشن، لیبر ہیومن ریسورس، لا، لائیو اسٹاک، لوکل گورنمنٹ، مائنز اینڈ منرلز، پلاننگ اینڈ ڈویلپمنٹ بھی شامل ہیں۔
اس کے علاوہ پاپولیشن ویلیفیئر، پرائمری اینڈ سیکنڈری ہیلتھ کیئر، پبلک پراسیکیوشن، ریونیو، اسکول ایجوکیشن، سروسز اینڈ جنرل ایڈمنسٹریشن، اسپیشلائز ہیلتھ کیئر، ٹرانسپورٹ، زکوٰۃ و عشر کی کمیٹیاں تشکیل دی گئی ہیں۔
اسپیکر نے پبلک اکاؤنٹس کمیٹی ٹو پبلک اکاؤنٹس کمیٹی تھری، استحقاق کمیٹی برائے اصلاحات و قانون اور کمیٹی برائے حکومتی یقین دہانی بھی تشکیل دے دی۔
پنجاب اسمبلی سیکریٹریٹ نے ان کمیٹیوں کی تشکیل کا باقاعدہ نوٹیفکیشن جاری کردیا۔
ارکان پر پابندی کا آرڈر بھاری دل کے ساتھ پاس کیا، اسپیکر ملک احمد خان
ایوان میں گفتگو کرتے ہوئے اسپیکر ملک احمد خان نے کہاکہ آج تک کبھی ایسا نہیں ہوا کہ قائد ایوان کو گفتگو نہ کرنے دی گئی ہو۔
انہوں نے کہاکہ جب بھی وزرا صاحبان کھڑے ہوتے ہیں باقی بیٹھ جاتے ہیں، اسپیکر یا لیڈر آف اپوزیشن بات کریں تو ان کو ترجیحی بنیادوں پر بات کرنے کی اجازت دی جاتی ہے۔
انہوں نے کہاکہ میں نے اپوزیشن کو برابری کی بنیاد پر وقت دیا، ارکان پر پابندی کا آرڈر بھاری دل کے ساتھ پاس کیا۔
انہوں نے کہاکہ جب ماؤں بہنوں کو گالیاں اور خواتین کا نام لے کر برے طریقے سے تضحیک انداز میں بات ہو تو ہاؤس کے تقدس کو پامال نہیں ہونے دیں گے۔
انہوں نے کہاکہ میں غیرجانبدار رہنے کی کوشش کروں گا، اگر ہاؤس کو ان آرڈر کےلیے سخت فیصلے کرنے پڑے تو کروں گا۔
