پردیس میں وطن کی یاد ستانے کا کوئی بہانہ ہوسکتا ہے، اپنے ہم وطن سے دیار غیر میں ملنا خوشی و غم کے ملے جلے جذبات کا باعث بن جاتا ہے تاہم تہران کی مصروف سڑک پر پاکستانی آم فروخت ہوتا دیکھ کر پاکستانی سفیر کی خوشی کا کوئی ٹھکانہ نہ رہا۔
Absolutely delighted to see delicious & incredibly tasteful mangoes of 🇵🇰 sold at bustling streets of Tehran.I thanked vendor for choosing 🇵🇰 mangoes,king of fruits & could not help purchase some for me 😊😂🤣🇵🇰🇮🇷zindabad. I am sure Iranis would love our sweet mangoes! pic.twitter.com/FLOJCHf9Nm
— Ambassador Mudassir (@AmbMudassir) July 1, 2024
تہران کی ایک شاہراہ پر لذیذ اور ناقابل یقین حد تک ذائقے دار پاکستانی آم فروخت ہوتا دیکھ کر ایران میں تعینات پاکستانی سفیر محمد مدثر ٹیپو کی خوشی کا کوئی ٹھکانہ نہ رہا اور انہوں نے وہاں سے نہ صرف اپنے ہم وطن آم خریدے بلکہ پھل فروش کا شکریہ بھی ادا کیا۔
سماجی رابطے کی ویب سائٹ ایکس ڈاٹ کام پر اپنی پوسٹ میں پاکستانی سفارتکار مدثر ٹیپو کا کہنا تھا کہ انہوں نے پھلوں کے بادشاہ اور وہ بھی پاکستانی آموں کو منتخب کرنے پر ایرانی پھل فروش کا شکریہ ادا کرتے ہوئے اپنے لیے کچھ آم خریدے۔
پاکستان اور ایران زندہ باد کا نعرہ لگاتے ہوئے انہوں نے لکھا کہ انہیں یقین ہے کہ ایرانی شہری پاکستان کے میٹھے آم ضرور پسند کریں گے۔
