بھارت کے اپوزیشن لیڈر راہول گاندھی نے لوک سبھا سے خطاب کے دوران پیغمبر اسلام حضرت محمد ﷺ پر درود بھیجتے ہوئے آپ کی تعلیمات کا حوالہ دیا اور کہا کہ آپ نے خوف کو ختم کرنے کی بات کی ہے۔
راہول گاندھی کا کہنا تھا کہ تمام عظیم ہستیوں نے عدم تشدد اور خوف کو ختم کرنے کی بات کی ہے اور اسلام میں بھی کہا گیا ہے کہ ڈرنا نہیں ہے۔
اپنے خطاب میں راہول گاندھی نے کہا کہ بی جے پی رہنما نفرت، خوف اور تشدد پھیلا رہے ہیں۔ بی جے پی کے لیڈر ہندو ہونے کا دعویٰ تو کرتے ہیں مگر ساتھ ہی نفرت پھیلاتے ہیں۔
راہول گاندھی کی قرآنی تعلیمات کا حوالہ دینے کی ویڈیو سوشل میڈیا پر وائرل ہو گئی اور اس پر صارفین کی جانب سے مختلف تبصرے کیے جا رہے ہیں۔ ایک صارف نے کہا کہ راہول گاندھی نے لوک سبھا میں قرآن پاک کی آیت کا حوالہ دے کر ایک طاقتور تقریر کی ہے۔ صارف کا مزید کہنا تھا کہ راہول گاندھی نے سورہ طہٰ کی آیت نمبر 46 کا حوالہ دیتے ہوئے کہا کہ اس آیت میں اللہ نے فرمایا تم ڈرو نہیں، بیشک میں تمہارے ساتھ ہوں، میں سن رہا ہوں اور دیکھ بھی رہا ہوں۔
Rahul Gandhi delivers a powerful speech in the Lok Sabha by quoting a verse from the Glorious Qur’an.
قَالَ لَا تَخَافَاۤ اِنَّنِيۡ مَعَكُمَاۤ اَسۡمَعُ وَاَرٰى
“He said, Fear not. Indeed, I am with you both; I hear and I see.” (Qur’an 20:46)pic.twitter.com/PYZGQOBNJD
— Fidato (@tequieremos) July 1, 2024
سوشل میڈیا انفلوینسر سحر شنواری نے لکھا کہ بھارت کے اپوزیشن لیڈر راہول گاندھی سابق پاکستانی وزیراعظم عمران خان کی طرح ایک نڈر لیڈر ہیں۔
Rahul Gandhi is a fearless leader like Imran Khan. https://t.co/yEzbsQAGqi
— Sehar Shinwari (@SeharShinwari) July 1, 2024
ایک ایکس صارف کا کہنا تھا کہ راہول گاندھی نے اسلامی تعلیمات کا حوالہ اپنے ووٹ بینک کو مضبوط کرنے کے لیے دیا کیونکہ ہندوستانی مسلمان بڑی تعداد میں ان کے ووٹ بینک کا حصہ ہیں اور اپنے ساتھ ہونے والی نا انصافی پر راہول گاندھی کی جانب سے دکھائی گئی بے حسی سے وہ نا خوش تھے۔
ان کا مزید کہنا تھا کہ پاکستانی عوام بیوقوفوں کی طرح پوچھ رہی ہے کہ کیا کوئی لیڈر پاکستان میں ایسا کر سکتا ہے تو اس کا جواب انکار میں ہے کیونکہ ان کو اس کی ضرورت نہیں ہے۔
he's just consolidating his vote bank because indian muslims are major chunk of his vote bank & they were unhappy with his indifference over recent lynchings & injustice against them. & for pakistani nerds asking "cAn aNy lEader dO tHiS iN pAkIstAn?" no. they don't need to. https://t.co/8G5xFNShnO
— . (@bbcriticpak) July 1, 2024
رانا عمران سلیم نے کہا کہ راہول گاندھی نے ’خوف سے آزادی‘ کے نام سے ایک مہم شروع کی ہے اور پیغام دیا ہے کہ کسی کو نریندر مودی، بی جے پی اور دوسرے شدت پسندوں سے ڈرنے کی ضرورت نہیں ہے۔ انہوں نے مزید کہا کہ اپنی مہم میں راہول گاندھی نے مختلف مذاہب کی کتابوں کا حوالہ بھی دیا جس میں قرآن پاک کا حوالہ بھی شامل ہے۔
راہول گاندھی نے آج بھارتی پارلیمنٹ میں ایک کمپین شروع کی ھے freedom from fear یعنی "خوف سے آزادی " کے نام سے مودی جی، بی جے پی اور دوسرے شدت پسندوں سے ڈرنے کی ضرورت نہی اپنی کمپین میں راہول نے مختلف مزاہب کی کتابوں کو حوالہ بھی دیا اس میں قرآن پاک سے بھی حوالہ دیا ہے۔ https://t.co/XfJOh273kA
— Rana Imran Saleem (@naya_kisan) July 1, 2024
محمد فہیم لکھتے ہیں کہ پاکستان میں پی ٹی آئی جمعیت اور عوامی نیشنل پارٹی کے رہنماؤں کی پارلیمان میں تقریر کے وقت آواز بند کردی جاتی ہے اور بھارت میں بھی پارلیمان کی کارروائی سینسر ہوتی ہے، بھارت میں دوران تقریر اپوزیشن لیڈر راہول گاندھی کی ویڈیو ہٹا دی گئی۔
بھارت میں بھی پارلیمان کی کارروائی سینسر ہوتی ہے
پاکستان میں پی ٹی آئی جمعیت اور عوامی نیشنل پارٹی کے رہنمائوں کی پارلیمان میں تقریر کے وقت آواز بند کردی جاتی ہیں شکل ہٹا دی جاتی ہے
بھارت میں راہول گاندھی کی شکل ہٹا دی گئی
pic.twitter.com/SrKGFSY39Z— Muhammad Faheem (@MeFaheem) July 1, 2024
راہول گاندھی نے بھارتی وزیراعظم نریندر مودی اور ان کےساتھیوں کو مخاطب کرتے ہوئے کہا کہ آپ تو ہندو ہی نہیں ہو۔ راہول گاندھی کے بیان پر بی جے پی سیخ پا ہوگئی اور بھارتی وزیراعظم نریندر مودی نے کہا کہ اپوزیشن لیڈر نے پورے ہندو معاشرے پر تشدد کا الزام لگایا ہے، انہوں نے راہول گاندھی سے معافی مانگنے کا مطالبہ بھی کیا جس پر راہول گاندھی کا کہنا تھا کہ نریندر مودی اور آر ایس ایس پورا ہندو سماج نہیں ہے۔
