کراچی: باپ پر تشدد کرنے والا بیٹا گرفتار

کراچی میں پولیس نے باپ پر تشدد کرنے والے بیٹے کو گرفتار کرلیا۔

مزید پڑھیں

• کوئٹہ میں پولیس اہکار پر سرعام تشدد کرنیوالا کون ہے اور اصل معاملہ کیا ہے؟

  

• کراچی سٹی کورٹ، جہاں رشوت کے عوض قیدیوں کے لیے بہت کچھ میسر ہے

  

جاوید نامی شہری کی جانب سے ایک ویڈیو سوشل میڈیا پر وائرل ہوئی تھی جس میں ان کا کہنا تھا کہ 10 جون کو ان کے بیٹے حسان نے اپنے ساتھیوں کے ساتھ مل کر ان پر اور ان کے بڑے بیٹے پر تشدد کیا۔

پولیس نے جاوید کے بیٹے حسان کو گرفتار کرکے اس کے قبضے سے اسلحہ بھی برآمد کرلیا۔

ڈی ائی جی پولیس ایسٹ کے مطابق حسان کے خلاف والد کی مدعیت میں مقدمہ تھانہ سچل میں گزشتہ روز درج کیا گیا تھا۔

والد کے مطابق انہیں جائیداد فروخت نہ کرنے پر بیٹے کی جانب سے مستقل تشدد کا نشانہ بنایا جاتا تھا۔

وائرل ویڈیو پر کارروائی کرتے ہوئے پولیس نے حسان کو گرفتار کیا۔ والد کا یہ بھی کہنا ہے کہ بیٹا ماں پر بھی تشدد کیا کرتا تھا جس سے آخرکار ان کا انتقال ہوگیا۔