بھارت کے سینیئر اداکار و سیاستدان شتروگن سنہا جو اپنی بیٹی سوناکشی سنہا کی شادی کے بعد بیمار ہوکر اسپتال میں داخل ہوئے ایسے میں شادی کے تقریباً ایک ہفتے کے بعد جب نوبیاہتا جوڑے کو ممبئی کے اسپتال میں دیکھا گیا تو اداکارہ سوناکشی سنہا کے حمل سے ہونے کے متعلق چہ مگوئیاں شروع ہو گئیں۔
تاہم بعد میں واضح ہو گیا کہ سوناکشی سنہا کے والد بھارتی اداکار اور سیاست دان شتروگن سنہا وائرل بخار اور کمزوری کے باعث اسپتال میں داخل ہیں جن کی عیادت کےلیے وہ اسپتال گئی تھیں۔
اداکار شتروگن سنہا نے بھی سماجی رابطوں کی سائٹ ایکس (سابقہ ٹوئٹر) پر ایک پیغام جاری کیا جس میں ان کا کہنا تھا کہ سوشل میڈیا اور یو ٹیوبرز کی غیر مصدقہ اور تنازعات سے بھرپور اثر انداز ہونے والی خبروں سے دور خاندان اور دوستوں کے ساتھ وقت گزار رہے ہیں کیونکہ ان کی صحت اب بحال ہے۔
شتروگن سنہا کا کہنا تھا کہ وہ خاندان اور دوستوں کے ساتھ انڈیا اور جنوبی افریقا کے مابین کھیلے گئے ٹی20 ورلڈ کپ سے لطف اندوز ہوئے۔ ویرات کوہلی جو نہ صرف انوشکا شرما کے بلکہ پوری قوم کے ہیرو ہیں ان کو دیکھ کر اچھا لگا۔ بھمرا، ہاردک پانڈیا، کمار یادیو اور روہت شرما کی جنوبی افریکا کے خلاف زبردست کھیل کا مظاہرہ کیا جو دیکھ کر بہت اچھا لگا۔
Away from the 'controversy & confusion' created by some of our good friends from the social media/Youtubers. The fact is enjoying with best of our family members, brothers & dear friends. Enjoying the most talked about International Cricket match between #SouthAfrica & #India.… pic.twitter.com/tASio9FaeM
— Shatrughan Sinha (@ShatruganSinha) July 1, 2024
انہوں نے ٹیم کو مبارکباد دیتے ہوئے کہا کہ ویرات کوہلی اور روہت شرما نے درست وقت پر ٹی20 سے ریٹائرمنٹ کا ایک جرات مندانہ فیصلہ کیا ہے، اگلی نسل کے لیے راہ ہموار کرنا واقعی ایک شاندار فیصلہ ہے جس کی حوصلہ افزائی کرنی چاہیے۔
اداکار کا مزید کہنا تھا کہ یہ انڈیا اور جنوبی افریقہ کا فائنل میچ انتہائی سنسنی خیز اور تفریحی تھا، ہمیں جنوبی افریقہ کی ٹیم کو بھی ان کی بہترین کارکردگی پر سراہنا چاہیے۔
یہ ایک انتہائی سنسنی خیز اور تفریحی میچ تھا اور ہمیں ٹیم جنوبی افریقہ کو بھی ان کی انتہائی پرعزم کارکردگی کا پورا کریڈٹ دینا چاہیے۔
واضح رہے کہ 23 جون کو شتروگن سنہا کی بیٹی اور اداکارہ سوناکشی سنہا کی دیرینہ ساتھی ظہیر اقبال سے شادی ہوئی تھی جس کے کچھ دن بعد ہی اداکار کی طبیعت خرابی کے باعث انہیں اسپتال منتقل کرنا پڑا۔ شادی سے قبل یہ افواہیں سامنے آتی رہیں کہ سوناکشی کے والدین ان کے شادی میں شرکت نہیں کریں گے۔