ہنگومیں منعقدہ یوتھ کنونشن میں شرکا نے آپریشن عزم استحکام میں حکومت اور پاک فوج کے ساتھ شانہ بہ شانہ کھڑے رہنے کے عزم کا اعادہ کیا ہے۔
یوتھ کنونشن میں بڑی تعداد میں نوجوانوں اور خواتین نے شرکت کی اور اس عزم کا اظہار کیا کہ ریاست کا ساتھ دیتے ہوئے ہنگو کے نوجوان بھی پاکستان کی ترقی میں اپنا بھرپورکردارادا کریں گے۔
مقررین نے تعلیم و ترقی اور سیکیورٹی سمیت مختلف شعبوں میں پاک فوج کے کردار کو سراہتے ہوئے زبردست خراج تحسین پیش کیا اور نوجوانوں نے آپریشن عزم استحکام میں حکومت اور پاک فوج کے ساتھ شانہ بہ شانہ کھڑے رہنے کے عزم کا اعادہ کیا۔
جنرل آفیسرکمانڈنگ کوہاٹ میجرجنرل ذوالفقارعلی بھٹی تقریب کے مہمان خصوصی تھے، مہمان خصوصی اور شرکا نے ملکی ترقی و خوشحالی میں نوجوانوں کے کردار کو سراہتے ہوئے سوشل میڈیا پر ہونے والے منفی پروپیگنڈے کو مسترد کر دیا۔
