وزیراعظم پاکستان شہباز شریف نے حال ہی میں شنگھائی تعاون تنظیم (ایس سی او) کے اجلاس میں شرکت کی جہاں انہوں نے سائڈلائنز پر روسی صدر ولادیمیر پیوٹن سے بھی ملاقات کی جس کی ویڈیو سوشل میڈیا پر وائرل ہو رہی ہے اور شہباز شریف کو شدید تنقید کا نشانہ بنایا جا رہا ہے۔
وائرل ویڈیو میں دیکھا جا سکتا ہے کہ شنگھائی تعاون تنظیم کے سربراہی اجلاس میں وزیراعظم شہباز شریف نے روسی صدر ولادیمیر پیوٹن سے مصافحہ کے بجائے روسی وزیر خارجہ سرگئی لاروف سے پہلے ہاتھ ملایا۔
ویڈیو پر صارفین کی جانب سے شدید ردعمل دیا جا رہا ہے ایک صارف کا کہنا تھا کہ وزیراعظم شہباز شریف نے روسی صدر سے ہاتھ ملانے کی بجائے پہلے روسی وزیر خارجہ کو ترجیح دے کر پیوٹن کو ناراض کیا، ساتھ ہی انہوں نے لکھا کہ روسی صدر پہلے ہی گذشتہ 26 سالوں سے پیوٹن پاکستان کا دورہ نہیں کر پائے۔
آستانہ : شنگھائی تعاون تنظیم کے سربراہی اجلاس میں پاکستانی وزیراعظم نے روسی صدر سے مصافحہ کے بجائے روسی وزیر خارجہ سرگئی لاروف کو پہلے ہاتھ ملا کر روسی صدر کو ناراض کیا ۔ ( گذشتہ 26 سالوں سے پیوٹن پاکستان کا دورہ نہیں کر پائے) pic.twitter.com/9zPeAIU9Ua
— Moneir Aslam (@moneir27) July 4, 2024
صحافی مطیع اللہ جان نے وزیراعظم شہباز شریف کے روسی صدر کی بجائے روسی وزیرخارجہ سے پہلے مصافحہ کرنے کی ویڈیو پر تبصرہ کرتے ہوئے طنزاً لکھا کہ جب آپ روسی صدر کے ساتھ کھڑے ہوں اور اچانک نیب کا تفتیشی کمرے میں داخل ہو تو آپ ایسے ہی کرتے ہیں جیسے شہباز شریف نے کیا۔
اور پھر اچانک نیب کا تفتیشی کمرے میں داخل ہوا
Protocol disaster pic.twitter.com/7ZUOddEz5B— Matiullah Jan (@Matiullahjan919) July 5, 2024
شمس خٹک لکھتے ہیں کہ شنگھائی تعاون تنظیم کے سربراہی اجلاس میں شہباز شریف نے روسی صدر کے بجائے پہلے روسی وزیرِ خارجہ سے ہاتھ ملایا اور روسی چینل نے اس کی میم بنا کر چلا دی، صارف نے وزیراعظم شہباز شریف پر تنقید کرتے ہوئے کہا کہ یہ ہر جگہ پاکستان کے لیے شرمندگی کا باعث بن رہے ہیں۔
شنگھائی تعاون تنظیم کے سربراہی اجلاس میں شہباز شریف نے روسی صدر کے بجائے پہلے روسی وزیرِ خارجہ سے ہاتھ ملایا روسی چینل نے اُسکی meme بنا کر چلائی
ہر جگہ پاکستان کیلئے شرمندگی کا باعث بن رہا یہ مسخرہpic.twitter.com/wuKiZLQ4Ew
— Shams Khattak (@Sh_am_92) July 4, 2024
ایک صارف نے ویڈیو پر تبصرہ کرتے ہوئے لکھا کہ روسی صدر پیوٹن شہباز شریف کو دیکھ کر کیا سوچ رہے ہیں؟
روسی صدر پیوٹن شہباز شریف کو دیکھ کر کیا سوچ رہا ہے؟؟؟ pic.twitter.com/ZCrDF4S0ce
— کراچی والی (@AllahRakhi786) July 4, 2024
حرا نامی صارف لکھتی ہیں کہ مجھے یقین ہے کہ شہباز شریف کی اس حرکت کے بعد روسی صدر پیوٹن پاکستان کا دورہ کرنے کا سوچیں گے بھی نہیں۔
I am sure. PUTIN wouldn't even think about to visit Pakistan. https://t.co/Hbs398ZnIM
— Hira 🇵🇸 (@hirarafiq04) July 4, 2024
واضح رہے کہ وزیراعظم شہبازشریف نے روسی صدر کو ان کی حالیہ الیکشن میں جیت پر مبارک باد پیش کی اور دورہ پاکستان کی دعوت بھی دی۔ شہباز شریف اور ولادیمیر پیوٹن نے تجارت اور توانائی سمیت مختلف شعبوں میں تعلقات کو مضبوط بنانے پر بھی اتفاق کیا۔