سوشل میڈیا پر ارباب نیاز اسٹیڈیم پشاور کی چند تصاویر وائرل ہو رہی ہیں جس پر صارفین کی جانب سے شدید تنقید کی جارہی ہے کہ پشاور اسٹیڈیم پر تعمیراتی کام کا آغاز 2018 میں شروع ہوا تھا جس کے لیے اس وقت کی حکومت نے 2 سال کا عرصہ دیا تھا اور شائقین کرکٹ سے وعدہ کیا تھا کہ پی ایس ایل کے میچز2021 میں دیکھ سکیں گے۔ تاہم اتنے برس گزر جانے کے بعد بھی تعمیراتی کام مکمل ہونے کا نام نہیں لے رہا۔
جہاں ایک طرف شائقین کرکٹ تعمیراتی کام مکمل نہ ہونے پر تنقید کرتے نظر آتے ہیں وہیں اس کی بناوٹ پر بھی تنقید کی جارہی ہے کہ دنیا میں اس سے بہترین اسٹیڈیم بہت کم عرصے میں مکمل کر لیے گئے۔
Arbab Niaz Cricket Stadium, Peshawar 🏟️ pic.twitter.com/mPCKF47ECD
— Nawaz 🇵🇰 (@Rnawaz31888) July 6, 2024
ایک صارف نے پشاور اسٹیڈیم پر تنقید کرتے ہوئے کہاکہ کیا پاکستان میں اب اچھے آرکیٹیکٹ موجود نہیں ہیں۔
U dont have good architects in Pakistan anymore or wat?
— Ujjwal Nigam (@dr_ujjwal) July 7, 2024
طاہر مقبول نے پشاور کے ارباب نیاز اسٹیڈیم کا موازنہ امریکی شہر نیویارک میں ’نساؤ کاؤنٹی‘ کرکٹ اسٹیڈیم سے کرتے ہوئے کہا کہ امریکا نے 4 ماہ میں اسٹیڈیم تیار کرلیا اور ارباب نیازاسٹیڈیم پشاور کو ہم پچھلے 2 سال سے ایسا ہی دیکھ رہے ہیں۔
امریکہ نے 4 ماہ میں اسٹیڈیم تیار کردیا اور یہ ارباب نیاز پچھلے 2 سال سے ایسا ہی دیکھ رہے ہیں
— Tahir Maqbool (@tahirm18) July 6, 2024
ایک ایکس صارف نے اسٹیڈیم کا نقشہ بنانے والوں پر تنقید کرتے ہوئے کہا کہ اس کی چھت کا ڈیزائن ایسا بنایا گیا ہے کہ بارش ہونے کی صورت تمام شائقئن بھیگ جائیں گے۔
Abey naam change kar do iska. Ye Barbad Niaz Stadium hai jo kabhi ready na hone ka record banayega. Aur bhai ye roof ka design aisa banaya hai ki agar baarish hui to saare 110% bheeg jayenge. Bhai Kutch to kaam dimaag laga kar karo.
— AR (@ar_1Indian) July 7, 2024
طلحہ نامی صارف لکھتے ہیں کہ جس شخص نے اس اسٹیڈیم کے نقشے کی منظوری دی ہے وہ سزا کا مستحق ہے۔
After a decade of construction what a disaster piece with 40 M boundaries those who approved this design should be punished https://t.co/BCQZ15H3VA
— Talha (@nativehooman) July 8, 2024
اسامہ ظفر کہتے ہیں کہ اسکول کی سالانہ تقریبات کے پروگرام منعقد کرانے کے لیے یہ بہت اچھا اسٹیڈیم ہے۔
Good stadium for annual school functions…. https://t.co/lec1U5RSSM
— Usama Zafar (@Usama7) July 8, 2024
کئی صارفین کا کہنا تھا کہ اس اسٹیڈیم کی باؤنڈریز اتنی چھوٹی ہیں کہ سرفراز احمد اور بابر اعظم آسانی سے چھکے مار سکتے ہیں۔ ذرائع کے مطابق اس اسٹیڈیم پر ابتدائی لاگت کا تخمینہ ڈیڑھ ارب روپے سے زیادہ لگایا گیا تھا لیکن بعد میں یہ لاگت 2 ارب تک پہنچ گئی تھی۔
