کراچی میں موجود جرمن قونصل خانہ غیر یورپی شہریوں کے لیے بند کردیا گیا ہے۔
جرمن قونصلیٹ کی طرف سے جاری اعلامیے کے مطابق سیکیورٹی خدشات کے باعث وفاقی جمہوریہ جرمنی کا قونصل خانہ غیر یورپی شہریوں کے لیے اگلی اطلاع تک بند رہے گا۔
📣 an important announcement. pic.twitter.com/5K5YysbcFF
— German Consulate General Karachi (@GermanyinKHI) July 8, 2024
جرمن قونصلیٹ جنرل کراچی کی ایکس ہینڈل کی پوسٹ کے مطابق فوری سیکیورٹی خدشات کے باعث وفاقی جمہوریہ جرمنی کا قونصل خانہ غیر یورپی شہریوں کے لیے بند رہے گا۔
پوسٹ میں اطلاع دی گئی ہے کہ وہ افراد جو یورپی یونین ممالک کے شہری نہیں ہیں اور ان کا ویزا لگ چکا ہے تو وہ افراد اپنا ویزا قونصل خانے سے طلب کرسکتے ہیں۔
واضح رہے کہ ابھی تک سیکیورٹی وجوہات سامنے نہیں آسکیں جن کی وجہ سے قونصل خانہ بند کرنے کی ضرورت پیش آئی۔
