لیگی رہنما اور سابق وزیر ریلوے سعد رفیق بھی بجلی کے بلوں میں اضافے پر بول پڑے، ان کا کہنا ہے کہ بجلی کےبڑھتے بِلوں کی ادائیگی نچلے و متوسط طبقے کی قوت برداشت سے پوری طرح باہر ہو چکی ہے۔
یہ بھی پڑھیں:
سماجی رابطے کی ویب سائٹ ایکس ڈاٹ کام پر اپنی ایک پوسٹ میں سعد رفیق کا کہنا ہے کہ تنخواہ دار طبقے پر بھاری ٹیکس روگ بن چُکا ہے، لوگ پریشان حال ہیں، اسکا حل نکالنا پڑے گا۔
بجلی کےبڑھتے بِلوں کی ادائیگی نچلے و متوسط طبقے کی قوت برداشت سے پوری طرح باھر ھو چکی
تنخواہ دار طبقے پر بھاری ٹیکس روگ بن چُکا
لوگ پریشان حال ھیں
اسکا حل نکالنا پڑیگا !!معاشی بحالی اور غربت میں کمی کیلئے وزیراعظم اورانکی ٹیم کی شبانہ روز کوشیشیں رائگاں نہیں جانی چاھئیں !!
— Khawaja Saad Rafique (@KhSaad_Rafique) July 9, 2024
’معاشی بحالی اور غربت میں کمی کیلئے وزیراعظم اورانکی ٹیم کی شبانہ روز کوشیشیں رائگاں نہیں جانی چاہییں۔‘
یہ بھی پڑھیں: میرے لیے بھی بجلی کا بل ادا کرنا مشکل ہوگیا ہے، ن لیگی رہنما عرفان صدیقی
واضح رہے کہ مسلم لیگ ن کے رہنما عرفان صدیقی بھی بجلی کے بھاری بل موصول ہونے پر پریشانی کا اظہار کرتے ہوئے کہہ چکے ہیں کہ خود ان کے لیے بھی بجلی کے بل ادا کرنا محال ہوچکا ہے، ایک نجی ٹی وی کے مارننگ شو میں گفتگو کرتے ہوئے ان کا کہنا تھا کہ بجلی کے بل کی ادائیگی ان کے لیے بھی مشکل ہے۔
بجلی کے بھاری بلوں کی وجہ سے پریشان حال عوام کے ممکنہ احتجاج سے حکومت خوفزدہ تو نہیں؟ اس سوال پر عرفان صدیقی بولے کہ عوام جب کسی معاملے پر سڑکوں پر نکلتے ہیں تو وہ ایک لاوے کی صورت ہوتے ہیں جسے حکومت یا جبر کا کوئی ہتھکنڈا روک نہیں سکتا لیکن لوگ اچھی طرح جانتے ہیں کہ ملک کو اس کیفیت میں کس نے مبتلا کیا ہے۔
