امریکا کے جنگل میں بڑے پیروں اور گرج دار آواز کی حامل عجیب و غریب مخلوق کے ہونے کا انکشاف اس وقت ہوا جب نوجوانوں کے ایک گروپ نے جنگل میں چمکتی آنکھوں والی کسی چیز کو اپنی طرف بڑھتے ہوئے دیکھا، پولیس کو خبر ہونے کے بعد ملک بھر میں خوف و ہراس پھیل گیا۔
امریکا کے لوزیانا کے جنگل میں پولیس نے خوفزدہ نوجوانوں کو ‘چمکتی آنکھوں کے ساتھ بڑھتے ہوئے بڑے پیر والی مخلوق سے بچا لیا جب 17 سے 18 سال کی عمر کے نوجوانوں نے بڑے پیر اور چمکتی ہوئی آنکھوں والی مخلوق کے ساتھ سامنا ہونے کی اطلاع دی۔
مزید پڑھیں: کوئٹہ کے کوہ مردار میں موجود آدم خور مخلوق، حقیقت یا فسانہ؟
ہائی اسکول سے فارغ التحصیل بچوں کے ایک گروپ نے لوزیانا کے جنگل میں پکنک کے لیے ڈیرے ڈالے، گروپ نے مبینہ طور پر جنوبی نیچیٹوچس پیرش میں بیک بون ٹریل سے تقریباً 1.5 میل نیچے کیمپ آؤٹ کیا تھا۔
ان نوجوانوں میں سے ایک نوجوان گرجتی ہوئی آواز سے اس وقت گھبرا گیا جب اس نے چمکتی آنکھوں کے ساتھ تقریباً 5فٹ اونچی ایک پراسرار شخصیت کو دیکھا، جس کے بعد لڑکوں نے ریسکیو کے لیے ایمرجنسی سروسز کو کال کی۔
لوزیانا پولیس کے مطابق کیمپ سائٹ پر پہنچنے پر نوجوانوں کو بحفاظت جنگل سے باہر نکال دیا، تاہم پولیس اس پراسرار مخلوق کو ڈھونڈنے کی کوشش میں مصروف ہے، لیکن ابھی تک کوئی سراغ نہیں مل سکا۔
یہ بھی پڑھیں: گہرے سمندر سے پر اسرار مخلوق برآمد
واضح رہے اس سے قبل بھی اس پراسرار مخلوق کے کئی بار دیکھے جانے کا انکشاف ہوا ہے، اور ہالی ووڈ میں اس سے متعلق متعدد فلمیں بھی بنائی گئی ہیں۔
