آئی جی سندھ غلام نبی میمن نےسوشل میڈیا پر سندھ پولیس کے جعلی پیجز و آئی ڈیز بنانے والوں کے خلاف کارروائی کے لیے ایف آئی اے سے مدد طلب کرلی ہے۔
آئی جی سندھ غلام بنی میمن کے مطابق سوشل میڈیا پر سندھ پولیس کے 97 جعلی پیجز، اکاؤنٹس اور آئی ڈیز بنا دی گئی ہیں، سندھ پولیس کی 5 جعلی ویب سائٹس اور 21 جعلی واٹس ایپ گروپس بھی فعال ہیں۔
یہ بھی پڑھیں : سندھ پولیس کے لیے الیکٹرانک شیٹ عملی طور پر متعارف کروا دی گئی
آئی جی سندھ کے مطابق سندھ پولیس کے فیس بک سمیت دیگر سوشل میڈیا اکاؤنٹس پر صرف ایک ایک اصل اکاؤنٹ موجود ہے، تاہم نامعلوم افراد نے 97 جعلی صفحات، آئی ڈیز اور اکاؤنٹس بنا دیے ہیں۔
آئی جی سندھ نے ڈی جی ایف آئی اے کو اس سلسلے میں فوری ایکشن کے لیے خط لکھ دیا ہے،سندھ پولیس کی 5 جعلی ویب سائٹس، واٹس ایپ پر 21 جعلی گروپ ہیں، فیس بک پر 37، ٹویٹر پر 7، ٹک ٹاک پر 14، انسٹاگرام پر 13 جعلی اکاؤنٹس ہیں۔
یہ بھی پڑھیں : جعلی خبر پھیلانے والی سوشل میڈیا اینفلوئنسر کا اکاؤنٹ بلاک کردیا گیا
خط میں کہا گیا ہے کہ نامعلوم شخص سندھ پولیس کا جعلی صفحہ اور آئی ڈیز چلا رہا ہے، ان پیجز، اکاؤنٹس اور آئی ڈیز کا سندھ پولیس سے کوئی تعلق نہیں ہے، یہ عوام میں سندھ پولیس کے غلط تاثر کی عکاسی کرسکتے ہیں اور کنفیوژن پیدا کرتے ہیں۔
