لاہور کی انسداد دہشتگردی عدالت نے 9 مئی کو مسلم لیگ ن ہاؤس جلانے اور گلبرگ میں جلاؤ گھیراؤ کے مقدمات میں پی ٹی آئی رہنماؤں ڈاکٹر یاسمین راشد، عمر سرفراز چیمہ اور اعجاز چوہدری کی ضمانت منظور کرلی۔
انسداد دہشتگردی عدالت کے جج ارشد جاوید نے ضمانت کی درخواستوں پر فیصلہ سنایا، ملزمان کے خلاف تھانہ گلبرگ اور ماڈل ٹاؤن تھانے میں مقدمات درج ہیں۔
یہ بھی پڑھیں گرفتار پی ٹی آئی رہنما صنم جاوید کو اسلام آباد ہائیکورٹ میں پیش کرنے کا حکم
عدالت نے دیگر مقدمات میں ملزمان کی ضمانتوں پر سماعت 20 جولائی تک ملتوی کردی۔
واضح رہے کہ 9 مئی 2023 کو عمران خان کی نیب کے ہاتھوں گرفتاری کے بعد پی ٹی آئی کارکنوں نے ملک گیر احتجاج کیا تھا اور اس دوران عسکری تنصیبات کو بھی نشانہ بنایا تھا جس کی پاداش میں قانون نافذ کرنے والے اداروں نے کریک ڈاؤن کرتے ہوئے گرفتاریاں عمل میں لائی تھیں۔
پی ٹی آئی کے کچھ رہنما ایسے بھی ہیں جو ایک سال سے زیادہ عرصہ گزرنے کے باوجود رہا نہیں ہوسکے، جبکہ کچھ نے پریس کانفرنس کرکے پی ٹی آئی سے لاتعلقی کا اعلان کرکے رہائی پالی تھی۔
یہ بھی پڑھیں 9 مئی مقدمات : اسپیشل پراسیکیوٹر نے عمران خان کو مرکزی ملزم قرار دے دیا
جو رہنما ایک سال سے قید ہیں ان میں ڈاکٹر یاسمین راشد، عمر چیمہ، اعجاز چوہدری، صنم جاوید سرفہرست ہیں۔
