اننت امبانی کی شادی میں کن پاکستانی ڈیزائنرز کے چرچے رہے؟

دنیا کی امیر ترین کاروباری شخصیت مکیش امبانی کے بیٹے اننت امبانی کی شادی کی شاندار تقریبات بالآخر اپنے اختتام کو پہنچ گئیں سوشل میڈیا پر شادی کی تقریبات اور اس میں شامل دنیا بھر کی معروف شخصیات خبروں میں رہیں۔

شادی کی تقریبات میں شرکت کے لیے تمام مشہور شخصیات پرجوش تھیں اور انہوں نے خصوصی تقریبات میں پاکستان کے مشہور ڈیزائنر اقبال حسین، فراز منان اور محسن نوید رانجھا کے تیار کردہ ملبوسات کا انتخاب کیا۔

پاکستانی ڈیزائنرز کے ملبوسات پہننے والی سلیبریٹیز میں بالی ووڈ اسٹار عالیہ بھٹ، سارہ علی خان، کینیڈین گلوکار اے پی ڈھلن اور بھارتی کرکٹر ہاردک پانڈیا شامل ہیں۔

اننت اور رادھیکا کے سنگیت کی تقریب میں عالیہ بھٹ نے پاکستان کے معروف ڈیزائنر فراز منان کا تیار کردہ سیاہ رنگ کا لہنگا زیب تن کیا، جس کو ان کے مداحوں کی جانب سے خوب پسند کیا گیا۔

View this post on Instagram

A post shared by FARAZ MANAN (@farazmanan)

اداکارہ سارہ علی خان نے اننت امبانی کی شادی کے پہلے روز پاکستانی ڈیزائنر اقبال حسین کا تیار کردہ انارکلی لباس زیب تن کیا جبکہ دوسرے روز لانگ فراک اور گولڈن لہنگا پہنا، بالی ووڈ اداکارہ سے قبل یہ جوڑا پاکستان کی صفِ اول اداکارہ ماہرہ خان بھی پہن چکی ہیں۔

View this post on Instagram

A post shared by Sara Ali Khan (@saraalikhan95)

کینیڈین پنجابی گلوکار اے پی ڈھلن نے بھی اننت امبانی اور رادھیکا مرچنٹ کی شادی کی تقریب کے لیے پاکستانی ڈیزائنر فراز منان کے تیار کردہ لباس کو ترجیح دی۔

View this post on Instagram

A post shared by FARAZ MANAN (@farazmanan)

بھارتی کرکٹر ہاردک پانڈیا نے اننت اور رادھیکا کی شادی میں شرکت کے لیے معروف پاکستانی ڈیزائنر فراز منان کا تیار کردہ ہلکے گلابی رنگ کے جوڑے کا انتخاب کیا۔