سال 2015 میں سینما گھروں میں اداکار سلمان خان اور چائلڈ اسٹار ہرشالی ملہوترا کے نام کا ڈنکا بجا تھا۔ فلم ’بجرنگی بھائی جان‘ نے ریلیز ہوتے ہی بھارت میں تہلکہ مچا دیا تھا بلکہ اس کی گونج پاکستان تک سنائی دی تھی۔
17 جولائی کو فلم کی ریلیز کے 9 برس مکمل ہونے کے بعد بھی مداح سلمان خان کو بجرنگی بھائی جان کے نام سے یاد کرتے ہیں جبکہ گونگی بچی کا کردار ادا کرنے والی ہرشالی ملہوترا بھی لازوال اداکاری سے منفرد مقام حاصل کر چکی ہیں۔
مزید پڑھیں:سلمان خان سے لڑائی کے بعد کن بالی ووڈ اسٹارز کا کیریئر داؤ پر لگ گیا؟
کبیر خان کی ہدایت کاری میں بنی فلم باکس آفس پر بلاک بسٹر ثابت ہوئی۔ سلمان خان، ہرشالی ملہوترا اور نواز الدین صدیقی نے شاندار پرفارمنس دکھائی تھی۔ 9 برس مکمل ہونے کے خاص موقع پر فلم پروڈیوس کرنے والی کمپنی سلمان خان فلمز نے بجرنگی بھائی جان کے کچھ پسِ پردہ (ایڈٹ شدہ) مناظر مداحوں کے ساتھ شیئر کیے ہیں۔
View this post on Instagram
انسٹاگرام پوسٹ کے کیپشن میں لکھا گیا ہے کہ جب ہم بجرنگی بھائی جان کے 9 سال منا رہے ہیں، آپ کو یادوں میں لے جانے والے پسِ پردہ ایکشن سے پہلے اور بعد میں ہونے والے لمحات آپ کو دکھا رہے ہیں۔
مزید پڑھیں:سلمان خان کی پُر تعیش زندگی کا راز کھل گیا ؟
سلمان خان کے مداح بھی فلم کا 9 سالہ جشن خاص انداز میں منا رہے ہیں۔ وہ پوسٹ پر کمنٹس کرکے اپنے جذبات کا اظہار کر رہے ہیں۔ ایک مداح نے لکھا کہ ایسی فلم آج تک نہیں بنی، آج تک کی سب سے بڑی فلم۔ ایک صارف نے تو فلم کو دوبارہ بڑے پردے پر ریلیز کرنے کا مطالبہ بھی کیا۔ بجرنگی بھائی جان نے باکس آفس پر زبردست کمائی کی تھی، عالمی سطح پر فلم کی کل کمائی 918.18 کروڑ بھارتی روپے تھی۔
