بالی ووڈ اداکار سلمان خان کو پرتعیش زندگی کتنی پسند ہے اس حوالے سے کاسٹنگ ڈائریکٹر مکیش چھابرا نے دلچسپ حقائق بتائے ہیں۔
غیر ملکی میڈیا رپورٹ کے مطابق مکیش چھابرا کا کہنا ہے سلمان خان سادہ زندگی گزارتے ہیں اور وہ صرف ایک بیڈ کے اپارٹمنٹ میں رہائش پذیر ہیں۔
میکش چھابرا کا کہنا تھا سلمان خان کو لوگ اکثر غلط سمجھتے ہیں۔ یہ بات صرف چند لوگ جانتے ہیں کہ سلمان خان ایک بیڈ کے اپارٹمنٹ میں رہتے ہیں اور وہ آسائشیں پسند نہیں کرتے۔
کاسٹنگ ڈائریکٹر مکیش چھابرا بالی ووڈ میں کئی مشہور شخصیات کو کاسٹ کر چکے ہیں جن میں سلمان خان اور شاہ رخ خان بھی شامل ہیں۔ انہوں نے سلمان خان کی بجرنگی بھائی جان اور ٹیوب لائٹ جیسی فلموں میں کام کیا ہے اور وہ سلمان خان کو کئی برس سے جانتے ہیں۔
مکیش چھابڑا کے مطابق سلمان خان بڑے اسٹار ہونے کے باوجود زیادہ نہیں بدلے اور وہ واحد ایسے شخص ہیں جو ہر کسی کو ہمیشہ دستیاب ہوتے ہیں۔
انہوں نے کہا کہ سلمان خان کے ایک بیڈ اپارٹمنٹ میں ایک صوفہ، کھانے کی میز، ایک چھوٹی سی جگہ جہاں وہ لوگوں سے ملاقات کرتے ہیں، ایک چھوٹا سا جم، اور ایک کمرہ ہے۔ ان کا کہنا تھا کہ سلمان خان کو برانڈڈ اور مہنگی اشیا پسند نہیں۔
