راولپنڈی میں چوری کی انوکھی واردات ہوئی ہے۔ نالہ لئی پر واقع کٹاریاں پل پر نصب سیلاب کی پیشگی اطلاع دینے والا سسٹم رات گئے چوری کرلیا گیا۔ میٹ حکام نے تھانہ نیو ٹاؤن میں اندراج مقدمہ کی درخواست دیدی ہے۔
میٹ حکام کی جانب سے درج کرائی گئی ایف آئی آر کے مطابق نامعلوم چور سولر پلیٹیں، بیٹریاں، الیکٹرونکس بورڈ اور لوہے کا دیگر سامان چرا کرلے گئے ہیں۔ نامعلوم چور نے کمرے کا تالا توڑ کر رات کی تاریکی میں واردات کی اور لاکھوں روپے کا سامان لے اُڑے۔
مزید پڑھیں:اسلام آباد، راولپنڈی میں موسلا دھار بارش، نالہ لئی میں طغیانی کا خطرہ بڑھ گیا
کہا گیا ہے کہ کٹاریاں پل کے نیچے نشیوں کی آماجگاہ ہے، اس لیے شبہ ہے کہ چوری انہوں نے ہی کی ہے۔ سیلاب کی پیشگی اطلاع دینے والے سسٹم سے شہر کے 15 نالوں کی صورت حال کو مانیٹر کیا جاتا ہے۔
مون سون کی آمد سے قبل اس انوکھی واردات نے شہریوں کو پریشانی میں مبتلا کر دیا ہے۔
