حکومت نے بیرون ملک سیاسی پناہ (اسائلم) کے خواہاں افراد کے لیے پاکستانی پاسپورٹ کا اجرا معطل کرنے والے 5 جون 2024 کے سرکلر کو فوری طور پر واپس لینے کا فیصلہ کیا ہے۔ نائب وزیراعظم اسحاق ڈار کو یقین دلایا گیا ہے کہ سمندر پار پاکستانیوں کے پاسپورٹ 60 دن کے اندر جاری کردیے جائیں گے۔
نائب وزیراعظم اور وزیر خارجہ محمد اسحاق ڈار نے اعلیٰ سطح اجلاس کی صدارت کی۔ اجلاس میں اوورسیز پاکستانیوں کی فلاح و بہبود سے متعلق متعدد اہم امور پر غور کیا گیا۔ شرکاء میں سیکرٹری خارجہ، سیکریٹری داخلہ، ڈی جی IMPASS اور وزارت خارجہ کے سینئر حکام شامل تھے۔
مزید پڑھیں:بیرون ملک پناہ گزین پاکستانیوں کو پاسپورٹ جاری نہ کرنے کا فیصلہ سپریم کورٹ میں چیلنج
نائب وزیراعظم کو سیکریٹری داخلہ اور ڈی جی IMPASS کی طرف سے بیرون ملک مقیم پاکستانیوں کو بروقت پاسپورٹ کے اجرا کی سہولت کے بارے میں تفصیلی بریفنگ دی گئی۔ نائب وزیراعظم اسحاق ڈار کو یقین دلایا گیا ہے کہ سمندر پار پاکستانیوں کے پاسپورٹ 60 دن کے اندر جاری کر دیے جائیں گے۔
