برطانیہ میں ایک یونیورسٹی نے 98 سالہ طبعیات دان کو 75 سال بعد بالا آخر ڈاکٹریٹ کی اعزازی ڈگری سے نواز دیا۔
غیرملکی میڈیا کے مطابق، روزمیری فاؤلر 1948ء میں یونیورسٹی آف برسٹل میں زیرتعلیم تھیں جب انہوں نے ’کے اون‘ پارٹیکل دریافت کیا۔ تاہم انہوں نے 1949ء میں ایک ساتھی طبعیات دان پیٹر فاؤلر سے شادی کرلی اور ڈاکٹریٹ کی ڈگری حاصل کرنے سے قبل ہی یونیورسٹی کو خیرباد کہہ دیا۔
یہ بھی پرھیں: بنگلا دیشی فوٹو جرنلسٹ نے ڈاکٹریٹ کی اعزازی ڈگری کیوں واپس کی؟
روزمیری فاؤلر کی عمر اس وقت صرف 22 سال تھی جب انہوں نے کے اون پارٹیکل دریافت کیا۔ اس حوالے سے بات کرتے ہوئے انہوں نے کہا، ’مجھے معلوم تھا کہ یہ ایک نیا اور اہم پارٹیکل ہے، میں اس وقت بہت پرجوش تھی۔‘
یونیورسٹی آف برسٹل کے چانسلر سر پال نرس کا کہنا ہے کہ روزمیری فاؤلر نے طبعیات کے شعبہ میں اہم دریافتوں کی راہ ہموار کی اور ان کے کام کی بدولت دور جدید کے طبعیات دان بھی مستفید ہورہے ہیں۔
روزمیری کو کیمبرج میں ان کے کے گھر کے قریب ایک نجی گریجویشن تقریب میں ڈاکٹریٹ کی اعزازی ڈگری سے نوازا گیا۔
یہ بھی پڑھیں: ’میکس‘ نامی بلی کو ڈاکٹریٹ کی اعزازی ڈگری سے کیوں نوازا گیا؟
اس موقع پر ان کی صاحبزادی میری فاؤلر نے کہا، ’میں اپنی والدہ کے لیے بے حد خوش ہوں، میں بھی طبعیات دان بننا چاہتی تھی کیونکہ میں نے بچپن میں اپنے والدین کو زیادہ تر طبعیات کے بارے میں گفتگو کرتے ہوئے ہی سنا تھا۔‘
انہوں نے کہا، ’میری والدہ زندگی بھر برسٹل یونیورسٹی اور اس کے شعبہ فزکس کے قریب رہیں کیونکہ میرے والد تعلیم حاصل کرنے کے بعد اسی یونیورسٹی میں تدریسی خدمات انجام دینے لگے تھے۔‘
