سابق سینیٹر مشاہد حسین سید نے کہا ہے کہ چین کا سیاسی نظام عوامی فلاح پر مبنی ہے، جس کے فواہد عوام تک پہنچتے ہیں۔
چینی نیوز ایجنسی شہنوا نیٹ کے مطابق چین کے سالانہ اجلاس ’ٹو سیشنز‘ نے عالمی توجہ دوبارہ حاصل کر لی ہے۔ اس خصوصی کوریج میں مختلف ممالک کے پارلیمانی رہنماؤں نے چین کی ترقی اور ’ٹو سیشنز‘ پر اپنے خیالات کا اظہار کیا۔
پاکستان کے سابق پاکستانی سینیٹر اور دفاعی کمیٹی کے چیئرمین مشاہد حسین سید نے کہا کہ ’ٹو سیشنز‘ ایک اہم پالیسی ساز میکانزم کے طور پر کام کرتے ہیں، اور 15ویں 5سالہ منصوبہ چین کی معاشی ترقی اور جدیدیت کی راہ میں کلیدی کردار ادا کرتا ہے۔
انہوں نے زور دیا کہ چین کا سیاسی نظام عوام کی گہرائی میں جڑا ہوا ہے اور اس کی عوامی جمہوریت مکمل طور پر عوام کی فلاح و بہبود کے گرد گھومتی ہے۔
مشاہد حسین سید کے مطابق چین کا جدید نظام اعلیٰ معیار کی ترقی اور عوام کی زندگیوں کو بہتر بنانے پر مرکوز ہے، اور یہ ترقیاتی ماڈل دنیا کے ترقی پذیر ممالک کے لیے ایک نیا نمونہ پیش کرتا ہے۔
