پاکستان تحریک انصاف (پی ٹی آئی ) کے ارکان اسمبلی کا گرفتاریوں، چھاپوں اور قیادت و کارکنوں کے خلاف مقدمات پر احتجاجاً علامتی بھوک ہڑتال کیمپ جاری ہے جو دوپہر 3 بجے پارلیمنٹ ہاؤس کے سامنے لگایا گیا ہے۔
بھوک ہڑتالی کیمپ کی قیادت قومی اسمبلی میں اپوزیشن لیڈر عمر ایوب خان کر رہے ہیں جبکہ چیئرمین پی ٹی آئی بیرسٹر گوہر خان، علی محمد خان اور اسد قیصر سمیت دیگر ارکان بھی موجود ہیں۔ پی ٹی آئی کی بھوک ہڑتال کا سوشل میڈیا صارفین کی جانب سے مذاق اڑایا جا رہا ہے کہ یہ بھوک ہڑتال ہے یا عشائیہ جو صرف 3 بجے سے 7 بجے تک جاری رہے گا۔
ایک صارف نے لکھا کہ 3 سے 7 بجے تک تو ویسے بھی کھانے پینے کا ٹائم نہیں ہوتا اس سے اچھا تھا کہ رمضان میں بھوک ہڑتال کر لیتے۔
3 سے 7 بجے تک تو ویسے بھی کھانے پینے کا ٹائم نہیں ہوتا اس بھوک ہڑتال سے اچھا تھا کہ رمضان میں بھوک ہڑتال کرتے
— Mubasar khan AfridiⓂ️ (@MMAFRIDI2) July 23, 2024
فہیم اختر ملک نے سوال کیا کہ یہ کیسی بھوک ہڑتال ہے جو صرف 3 سے 7 بجے تک جاری رہے گی۔
پی ٹی آئی ارکان پارلیمنٹ آج دوپہر 3 بجے سے شام 7 بجے تک بھوک ہڑتال کرینگے۔۔۔ یہ کیسی بھوک ہڑتال ہے؟
— Fahim Akhtar Malik (@writetofahim) July 23, 2024
عادل سعید عباسی نے بھوک ہڑتال کیمپ کی ویڈیو شیئر کی جس میں پی ٹی آئی رہنماؤں نے گلے میں ہار ڈالے ہوئے تھے، صارف نے سوال کیا کہ پی ٹی آئی ایم این ایز نے بھوک ہڑتال پر گلے میں ہار کیوں ڈالے ہوئے ہیں، کیا یہ کسی کا ولیمہ ہو رہا ہے؟
یہ پی ٹی آئی ایم این ایز نے بھوک ہڑتال پر گلے میں ہار کیوں ڈالے ہوئے ہیں
کیا کسی کا ولیمہ ہے؟ pic.twitter.com/d9evfn4aEx
— Aadil Saeed Abbasi (@AadilSaeed1212) July 23, 2024
پی ٹی آئی کی بھوک ہڑتال 3 بجے سے 7 بجے تک جاری رہنے پر نجم ولی خان نے طنزاً تبصرہ کیا کہ پی ٹی آئی رہنماؤں کی جانب سے اتنی سخت محنت کی جا رہی ہے، اگر کوئی بھوک سے فوت ہوگیا تو کیا ہوگا۔
اتنی سخت محنت؟
اگر کوئی بھوک سے مر مرا گیا تو؟ pic.twitter.com/WCE4WHLk5U— Najam Wali Khan (@najamwalikhan) July 23, 2024
ایک صارف نے کہا کہ یہ پی ٹی آئی کا بھوک ہڑتالی کیمپ نہیں بلکہ فیشن شو لگ رہا ہے، ساتھ ہی انہوں نے تنقید کرتے ہوئے کہا کہ آپ تو کہتے تھے کہ 25 کروڑ لوگ آپ کے ساتھ ہیں تو وہ کہاں ہیں یہاں تو صرف تھوڑے سے اراکین بیٹھے ہوئے نظر آ رہے ہیں۔
یہ فیشن شو لگ رہا ھے یا بھوک ہڑتال ھے آپ کہتے ہیں نا ۲۵ کروڑ آپ کے ساتھ ہیں تو کہاں ہیں
— Asad Raja (@PakAsad52) July 23, 2024
واضح رہے کہ بانی پی ٹی آئی عمران خان خود بھی بھوک ہڑتال کرنے کا عندیہ دے چکے ہیں لیکن ارکان نے پہل کر دی ہے۔ مطالبات تسلیم نہ ہونے پر پی ٹی آئی کی جانب سے بھوک ہڑتال کا دائرہ کار وسیع کر دیا جائے گا۔
