اسلام آباد کی انسداد دہشتگردی عدالت نے 9 مئی واقعات کے کیس میں پہلے 10 مجرموں کو قید و جرمانے کی سزائیں سنادیں۔ جن میں 4 افغان شہری بھی شامل ہیں۔
عدالت سے جاری فیصلے کے مطابق سزایافتہ مجرموں میں عابد محمود ولد محمد ثاقب (ساکن اسلام آباد)، احسن ایاز ولد محمد ایاز (ساکن اسلام آباد)، نعیم اللہ ولد عبدالقادر (ساکن باجوڑ) شامل ہیں۔
یہ بھی پڑھیں 9 مئی کو سنیما نذرآتش کرنیکے الزام میں گرفتار پی ٹی آئی کے 50 رہا
اس کے علاوہ مطیع اللہ ولد امین خان (راولپنڈی)، شوکت ولد فضل داد (ساکن اسلام آباد)، ذاکراللہ ولد بسم اللہ خان (ساکن باجوڑ) کو سزا سنائی گئی۔
ذرائع نے بتایا کہ سزا یافتہ 10 مجرموں میں 4 افغان شہری شامل ہیں جو پاکستان کے مختلف علاقوں میں مقیم تھے۔ ان سزایافتہ افغان مجرموں میں داؤد خان ولد حاجو خان، یونس خان ولد خان محمد، احسان اللہ ولد ضیاالحق، لال آغا ولد خان آغا شامل ہیں۔
فیصلے کے مطابق عدالت کی جانب سے 9 مئی واقعات کے مجرموں کو 6 سال تک قید اور جرمانے کی سزائیں دی گئی ہیں۔
9 مئی کے واقعات میں ملوث کل 17 مجرموں کو اس مقدمے میں نامزد کیا گیا تھا۔ اور 10 مئی کو ان کے خلاف ایف آئی آر 626/24 درج کی گئی۔
عدالت نے نامزد ملزمان میں سے ایک ملزم کو بعد از تفتیش بری کردیا گیا، 6 ملزمان روپوش ہیں جبکہ 10 کو سزائیں سنا دی گئیں۔
یہ بھی پڑھیں 9 مئی کو سنیما نذرآتش کرنیکے الزام میں گرفتار پی ٹی آئی کے 50 رہا
عدالت کی جانب سے روپوش ملزمان کے ناقابل ضمانت وارنٹ گرفتاری جاری کرتے ہوئے عدالت میں پیش کرنے کا حکم دے دیا گیا۔
