اسلام آباد ہائیکورٹ کی جسٹس ثمن رفعت امتیاز نے تحریک انصاف کے سابق رہنما فوادچوہدری کا الیکشن کمیشن کی توہین کا جیل ٹرائل کالعدم قرار دے دیا ہے۔
اسلام آباد ہائیکورٹ نے سابق وفاقی وزیر فواد چوہدری کی درخواستیں منظور کرتے ہوئے ان کیخلاف جیل ٹرائل کے دوران فرد جرم عائد کرنے کا فیصلہ بھی کالعدم قرار دے دیا ہے۔
یہ بھی پڑھیں: توہین الیکشن کمیشن کیس: عمران خان اور فواد چوہدری پر فرم جرم عائد
واضح رہے کہ رواں برس جنوری میں توہین الیکشن کمیشن کیس میں سابق وزیر اعظم عمران خان اور سابق وزیر اطلاعات و نشریات فواد چوہدری پر فرد جرم عائد کی گئی تھی۔
ممبر الیکشن کمیشن نثار درانی کی سربراہی میں الیکشن کمیشن کے چار رکنی بینچ نے اڈیالہ جیل راولپنڈی میں سابق وزیراعظم عمران خان اور سابق وفاقی وزیر فواد چوہدری کے خلاف توہین الیکشن کمیشن کیس کی سماعت کی۔
مزید پڑھیں:توہین الیکشن کمیشن کیس، فواد چوہدری کے قابل ضمانت وارنٹ گرفتاری جاری
الیکشن کمیشن کے 4 رکنی بینچ نے عمران خان اور فواد چوہدری پر فرد جرم عائد کرتے ہوئے دونوں ملزمان کو فردجرم پڑھ کر سنائی تھی۔
عمران خان کی جانب سے چیف الیکشن کمشنرسکندرسلطان راجہ پرالزامات کے بعد الیکشن کمیشن کے 4 رکنی بینچ نے ان کو توہین الیکشن کمیشن کا نوٹس جاری کیا تھا۔