امریکا میں ایک خاتون نے ڈینٹسٹ پر اس لیے مقدمہ دائر کر دیا ہے کہ اس نے ایک ہی وزٹ میں 4 روٹ کینال، 8 ڈینٹل کراؤنز اور 20 فلنگز کردیں۔ خاتون کے مطابق ایک ہی وزٹ میں اتنا کچھ کرنے سے اس کا چہرہ بگڑ گیا ہے۔
یہ بھی پڑھیں:ٹوٹے دانت سے پریشان لوگوں کی بڑی مشکل آسان ہوگئی
یہ واقعہ امریکی ریاست منی سوٹا کی رہائشی کیتھلین ولسن کے ساتھ پیش آیا، جس پر انہوں نے ہینیپن کاؤنٹی ڈسٹرکٹ کورٹ میں مولڈریم فیملی ڈینٹسٹری کے ڈاکٹر کیون مولڈریم پر مقدمہ درج کرایا ہے۔
یہ بھی پڑھیں:فیصل آباد، آپریشن کے بعد پیٹ میں رہ جانے والی قینچی نے لڑکی کی جان لے لی
ولسن کا کہنا ہے کہ طبی اخراجات کے علاوہ وہ درد، شرمندگی، بگاڑ اور پریشانی کا شکار رہیں اور اسی لیے وہ اپنے نقصان کے لیے 50 ہزار ڈالر ہرجانہ مانگ رہی ہیں۔
