بالی وڈ اداکار رنبیر کپور اور شردھا کپور کی فلم ’تو جھوٹی میں مکار‘ 100 کروڑ کلب میں داخل ہونے کے بعد تیسرے ہفتے میں بھی باکس آفس پر اپنی کمائی کی رفتار برقرار رکھے ہوئے ہے۔
لو رانجن کی ہدایت کاری میں بننے والی فلم ’تو جھوٹی میں مکار‘ فلم 8 مارچ کو سینما گھروں میں ریلیز کی گئی تھی اور اس نے اب تک پوری دنیا میں 201 سے زائد کروڑ کمالیے ہیں جن میں 161 کروڑ بھارت میں جبکہ باقی دنیا میں 40 کروڑ کا بزنس کرچکی ہے۔
اس فلم کا پوسٹر 1949ء کی بھارتی فلم ’برسات‘ سے کافی مماثلت رکھتا ہے۔
فلم ’تو جھوٹی میں مکار‘ ایک رومانوی کامیڈی فلم ہے جس کی کہانی راہول مودی نے لکھی ہے۔ فلم کی کاسٹ میں رنبیر کپور، شردھا کپور، انوبھو سنگھ باسی، ڈمپل کپاڈیہ، بونی کپور اور دیگر اداکار شامل ہیں۔
