غزہ پر اسرائیلی جارحیت کے پس منظر میں مغربی مصنوعات کے بائیکاٹ کے بعد تیزی سے مقبول ہوتے مقامی سافٹ ڈرنک کولا نیکسٹ کے مالک ذوالفقار احمد کے اغوا کے بعد کمپنی کے ڈپٹی مینیجر فنانس حسن نواز اور جنرل مینیجر دانیال خان کو بھی اغوا کرلیا گیا۔
رپورٹس کے مطابق کولا نیکسٹ کے ڈپٹی مینیجر فنانس حسن نواز کو لاہور سے اغوا کیا گیا، جبکہ جنرل منیجر دانیال خان کو سفید ڈبل کیبن گاڑیوں میں مسلح افراد نے قصور سے اغوا کیا۔
🆘More Kidnaps from Cola Next 🆘
Seems like systematic attack 🚨
Cola Next, Deputy Manager Finance Hasan Nawaz is abducted from Lahore while Daniyal Khan, General Manager abducted from Kasur by armed men in white double cabin vehicles.
SIFC: Watching treatment of investors❓
— Economy of Pakistan (@Pakistanomy) July 27, 2024
کولا نیکسٹ کے مالک ذوالفقار احمد کے وکیل نے بھی میڈیا سے گفتگو کرتے ہوئے تصدیق کی ہے کہ پنجاب سے دو سینیئر ملازمین کو اغوا کرلیا گیا ہے۔
واضح رہے کہ 23 جولائی کو کراچی سے اغوا ہونے والے کولا نیکسٹ کے مالک ذوالفقار احمد کے لاپتا ہونے کا مقدمہ درج کرلیا گیا ہے۔
