چائے کا استعمال پاکستان کے تقریباً ہر گھر میں کیا جاتا ہے لیکن اگر چائے میں چینی کی بجائے گڑ شامل کرلیا جائے تو یہ صحت کے لیے فائدہ مند بھی ثابت ہو سکتی ہے اورخون کی کمی کو پورا کرتی ہے اور جوڑوں کے درد سے نجات دلاتی ہے۔
گڑ کو چینی کے متبادل کے طور پر استعمال کیا جاسکتا ہے۔ گڑ والی چائے کے ایک درمیانے کپ میں اوسطاً38کیلوریز ہوتی ہیں۔
گڑ کی چائے کے فوائد:
1۔اعلیٰ درجے کی قوت مدافعت
چائے میں ادرک کے ساتھ چینی کی بجائے گڑ استعمال کیا جائے تو یہ آئرن، منرلز، زنک اور سیلینیم جیسے کئی غذائی اجزا کو متحرک کرتا ہے جو قوت مدافعت کو بہتر بناتے ہیں۔
2۔وزن کم کرنے کے لیے مددگار
اکثر لوگ باقاعدگی سے ورزش نہیں کر پاتے لیکن وہ اپنے وزن میں کمی ضرور لانا چاہتے ہیں۔
لیکن گڑ والی چائے وزن کم کرنے میں مددگار ثابت ہوسکتی ہے۔
گڑ میں کئی ایسے غذائی اجزا موجود ہوتے ہیں جو جسم کی کیلوریز کو قدرتی طور پر جلانے میں مدد دیتے ہیں۔ جبکہ چائے میٹابولزم کو بڑھانے اور وزن کم کرنے میں بھی مدد کرتی ہے۔
3۔نظام انہضام میں بہتری
گڑ کی چائے قبض میں مبتلا افراد کے لیے بھی مفید ہے کیونکہ یہ آنتوں کو متحرک کر دیتی ہے۔
اگر گڑ کی چائے کا استعمال باقاعدگی سے کیا جائے تو ہاضمے کے مسائل سے نجات مل سکتی ہے۔
4۔خون صاف کرتا ہے
ماہرین صحت روزانہ گڑ کی چائے پینے کا مشورہ دیتے ہیں کیونکہ یہ خون کو صاف کرتا ہے۔
5۔اینٹی آکسیڈینٹس کا ذریعہ
عام چائے میں گڑ شامل کرنے سے اینٹی آکسیڈینٹس کی مقدار بڑھ جاتی ہے جو جسم سے زہریلے مادوں کو خارج کرنے میں مدد دیتی ہے۔
6۔گڑ خون کی کمی دور کرتا ہے
ڈاکٹرز خون کی کمی کو دور کرنے کے لیے گڑ کی چائے پینے کا مشورہ دیتے ہیں۔ گڑ کی چائے ہمارے جسم میں آئرن کی ضروریات کو بھی پورا کرتی ہے۔
7۔ درد شقیقہ(مائیگرین)سے نجات
درد شقیقہ کے شکار افراد کے لیے گڑ کی چائے مفید ہے کیونکہ گڑ کی چائے اس درد سے نجات دلانے اور ذہنی تناؤ میں کمی لانے میں مدد گار ثابت ہوتی ہے
8۔جوڑوں کے درد کو کم کرتا ہے
100گرام گڑ میں40سے 100ملی گرام کیلشیم ہوتا ہے۔ گڑ کی چائے وٹامنز اور معدنیات جیسے ضروری غذائی اجزا سے بھرپور ہوتی ہے اور جوڑوں کے درد اور ہڈیوں سے متعلق مسائل کو کم کرتی ہے۔
مضر اثرات:
کسی بھی چیز کا ضرورت سے زیادہ استعمال ہمارے جسم کو نقصان پہنچا سکتا ہے۔
واضح رہے کہ گڑ کی چائے کے فوائد ہونے کے ساتھ ساتھ کچھ نقصانات بھی ہیں۔
ملاوٹ والا گڑ ہمارے جسم کی غیر ضروری چربی کو بڑھاتا ہے۔
گڑ کے زیادہ استعمال سے قبض ہو سکتی ہے۔
ایک ہی وقت میں گڑ کا زیادہ استعمال بد ہضمی کی وجہ بن سکتا ہے۔
