سعودی عرب نے باضابطہ طور پر 2034 کے فٹبال ورلڈ کپ کی میزبانی کے لیے اپنی نامزدگی فائل پیش کردی۔ یہ تقریب فرانس کے دارالحکومت پیرس میں منعقد ہوئی جسے فیفا (فٹبال کی بین الاقوامی تنظیم) نے منعقد کیا تھا۔
یہ بھی پڑھیں فیفا ورلڈ کپ کوالیفائر راؤنڈ، سعودی عرب کی فٹ بال ٹیم پاکستان پہنچ گئی
فائل سعودی وفد کے ذریعے پیش کی گئی، جس کی قیادت وزیر کھیل شہزادہ عبدالعزیز بن ترکی بن فیصل بن عبدالعزیز اور سعودی فٹبال فیڈریشن کے صدر یاسر المسحل کررہے تھے۔ اس وفد میں سعودی فٹبال فیڈریشن کے علاقائی تربیتی مراکز کے 2 بچے بھی شامل تھے۔
یہ مرحلہ فیفا کو نامزدگی فائل پیش کرنے کا تیسرا مرحلہ ہے۔ سعودی عرب نے 4 اکتوبر 2023 کو 2034 کے فٹبال ورلڈ کپ کی میزبانی کے لیے اپنی نامزدگی کا اعلان کیا تھا، اور اب اس فائل کی پیشکش اس عزم کو مزید مضبوط بناتی ہے۔
یہ بھی پڑھیں فیفا کوالیفائر: سعودی عرب کے خلاف میچ کے لیے پاکستان فٹبال ٹیم کا اعلان
اس کے بعد فیفا کی طرف سے مزید مراحل ہوں گے، جن میں باضابطہ معائنہ دورے اور فائل کی مکمل جانچ شامل ہوگی، اور آخر میں 11 دسمبر 2024 کو 2034 کے ورلڈ کپ کی میزبانی کرنے والے ملک کا باضابطہ اعلان کیا جائے گا۔
