فیفا کوالیفائر: سعودی عرب کے خلاف میچ کے لیے پاکستان فٹبال ٹیم کا اعلان

پاکستان فٹبال فیڈریشن نے فیفا ورلڈ کپ 2026 کے کوالیفائر راؤنڈ 2 کے سعودی عرب اور تاجکستان کے خلاف میچوں کے لیے حتمی اسکواڈ کا اعلان کردیا ہے۔

پاکستان فٹبال فیڈریشن کے مطابق گول کیپر کے لیے یوسف بٹ، ثاقب حنیف، حسن علی جبکہ دفاعی کھلاڑیوں (ڈیفنڈرز) میں عبداللہ اقبال، محمد فضل، حسیب خان، راؤ عمر حیات، مامون موسیٰ، محمد صدام، وقار احتشام، معین احمد، عبدالرحمان کا انتخاب کیا گیا ہے۔

مڈ فیلڈرز کے لیے راحس نبی، اوٹس خان، علی عزیر، عمیر علی، توقیر الحسن، عالمگیر غازی، علی ظفر جبکہ فارورڈز کے لیے عمران کیانی، میکائیل عبداللہ، فرید اللہ، عدیل یونس اور شائق دوست شامل ہیں۔

پاکستان کا مقابلہ 6 جون کو اسلام آباد کے جناح اسٹیڈیم میں سعودی عرب سے ہوگا جس کے بعد پاکستان 11 جون کو تاجکستان کے خلاف دوشنبہ میں مدِ مقابل ہوگا۔

فیفا ورلڈ کپ 2026 کے کوالیفائر راؤنڈ 2 میں ’گروپ جی‘ کے پوائنٹس ٹیبل پر سعودی عرب 10 پوائنٹس کے ساتھ اوّل پوزیشن پر، اردن 7 پوائنٹس کے ساتھ دوسرے، تاجکستان 5 پوائنٹس کے ساتھ تیسرے جبکہ پاکستان نے کوئی پوائنٹ حاصل نہیں کیا۔