وفاقی وزارت تعلیم نے اسلام آباد کے تمام سرکاری تعلیمی اداروں میں ہفتے کی چھٹی ختم کردی ہے۔
وفاقی وزارت تعلیم و پروفیشنل تربیت کی جانب سے جاری نوٹیفیکیشن کے مطابق، اسلام آباد کے تمام تعلیمی اداروں میں ہفتے کے روز چھٹی کے فیصلے کا اطلاق 10 اگست سے ہوگا۔
یہ بھی پڑھیں: اسلام آباد میں اسکولوں کے نئے اوقات کار کا اعلان
نوٹیفیکیشن کے مطابق، ہفتہ کے روز تعلیمی اداروں میں مختلف مضامین میں کمزور بچوں پر توجہ دی جائے گی جبکہ طلبہ کے لیے اسپورٹس اور مائینڈ گیمز سمیت مختلف غیرنصابی سرگرمیوں کا اہتمام بھی کیا جائے گا۔
وزارت تعلیم کے نوٹیفیکیشن میں کہا گیا ہے کہ یہ سیشنز 2 گھنٹے کے لیے ہوں گے اور ان سیشنز میں شرکت طلبہ کے لیے لازمی نہیں ہوگی جبکہ اسکول اسٹاف کے لیے ڈیوٹی کے اقات کار ہفتے کے روز بھی معمول کے مطابق ہوں گے۔
یہ بھی پڑھیں: اسلام آباد کا ایک سرکاری اسکول جو پرائیویٹ اسکولوں سے کسی طرح کم نہیں
اسلام آباد کے تمام سرکاری تعلیمی اداروں میں ہفتے کے روز اسکول کھلے رکھنے سے متعلق فیصلہ سیکریٹری وفاقی تعلیم وپیشہ ورانہ تربیت کے احکامات پر کیا گیا۔
