پاکستان کی معروف جوڑی قومی کرکٹ ٹیم کے سابق کپتان شعیب ملک اور اداکارہ ثنا جاوید ان دنوں بیرون ملک سیر سپاٹوں میں مصروف ہیں۔
رواں برس شادی کے بندھن میں بندھنے والی اس جوڑی پر بے حد تنقید کی گئی لیکن یہ دونوں ثابت قدمی سے ایک دوسرے کے ساتھ کھڑے رہے۔
یہ بھی پڑھیں: شعیب ملک اور ثناجاوید ہنی مون کہاں منارہے ہیں؟
حال ہی میں ثنا جاوید نے انسٹاگرام پر شعیب ملک کے ساتھ سوئٹزرلینڈ میں لی گئی چند تصاویر شیئر کی ہیں۔
سوئٹزرلینڈ کے خوبصورت مقامات پر لی گئی تصاویر میں شعیب اور ثنا بہت خوش نظر آرہے ہیں جس سے ثابت ہوتا ہے کہ یہ دونوں ایک دوسرے کے ساتھ خوش و خرم زندگی بسر کررہے ہیں۔
ثناء نے انسٹاگرام اکاؤنٹ پر تصاویر شیئر کرتے ہوئے کیپشن میں چاکلیٹ کے ایموجی کا استعمال کیا ہے۔ تصاویر میں ثنا کو سفید ٹاپ اور جینز میں دیکھا جا سکتا ہے، ان تصاویر میں وہ بے حد خوبصورت نظرآرہی ہیں۔
یہ بھی پڑھیں: ’ایوارڈ ملنے پر بہت مبارک ہو میرے ہیرو‘ ثنا جاوید کی شعیب ملک کو مبارکباد
دوسری جانب شعیب ملک نے بھی اپنی اہلیہ کی طرح سفید ٹی شرٹ اور بلیو جینز پہنی ہے اور بھی ان تصاویر میں کسی ہیرو سے کم نظر نہیں آرہے۔
یہ جوڑی ایک دوسرے کے ساتھ خوش نظر آرہی ہے لیکن اس کے باوجود انٹرنیٹ صارفین کی جانب سے تنقید کا سلسلہ جاری ہے، تاہم بہت سے صارفین نے ان دونوں کی تصاویر کو خوب سراہا ہے اور جوڑی کی خوب تعریف بھی کی ہے۔
