بنگلہ دیش میں ہفتوں پر محیط پُرتشدد مظاہروں کے بعد بنگلہ دیش کی وزیراعظم شیخ حسینہ واجد نے اپنے عہدے سے استعفیٰ دے دیا ہے اور ملک چھوڑ کر بھارت روانہ ہوگئیں۔
شیخ حسینہ واجد نے تقریباً 2 دہائیوں تک بنگلہ دیش پر حکومت کی۔ وہ ملک میں سب سے طویل دورانیے کے لیے وزیراعظم رہنے والی سیاسی رہنما تھیں۔
شیخ حسینہ واجد کے اقتدار سے جانے کے بعد پاکستان میں میمرز نے یہ موقع بھی ہاتھ سے جانے نہ دیا۔ سوشل میڈیا پر دلچسپ میمز کی بھرمار کر دی اور شیخ حسینہ واجد کا موازنہ نواز شریف سے شروع کر دیا گیا۔
مسٹر ضیا نامی ایک ایکس صارف نے اپنی پوسٹ میں نواز شریف کی لندن سے واپسی پر لاہور جلسے میں کبوتر اڑانے والی تصویر پر شیخ حسینہ کا چہرہ لگایا اور لکھا کہ ’وہ واپس آئیں گی‘
She will be back 🤞 pic.twitter.com/x2BH4N369Z
— Mr Zia (@iammrzia) August 5, 2024
ویڈیو شیئرنگ پلیٹ فارم ٹک ٹاک پر اے کے خانز نے نواز شریف اور شیخ حسینہ کی تصویر ملا کر ویڈیو بنائی اور لکھا کہ ’شوق بھی ملتے جلتے ہیں، جس نے بھی کبوتر اڑائے، عوام نے اس کے طوطے اڑا دیے‘
https://vt.tiktok.com/ZS21D5bGB/
پاکستان کے بعد پڑوسی ملک بھارت میں بھی میمرز نے یہ موقع ہاتھ سے نہیں جانے دیا اور سوشل میڈیا پر میمز بنانے شروع کر دیے۔ فیس بک پر ایک صارف سوہن سنگھ نیگی نے بھارتی فلم کے سین کا ایک ڈائیلاگ شیئر کیا اور لکھا کہ ’ میں تمہیں ایک لمبی چھٹی پر بھیج دوں گا‘
فیس بک پر ایک اور میم پیج یونیورسٹی میمز نے اپنی ایک پوسٹ میں لکھا کہ ’ وزیراعظم ہاؤس بنگلہ دیش پر قبضہ کرنے کے بعد طالب علم بنگلا ۔دیش کی وزیر اعظم حسینہ واجد کے بستر پر آرام فرماتے ہوئے ۔ طالبعلموں کی خاص بات یہ ہے کہ یہ آرام بہت کرتے ہیں‘
