بالی ووڈ کی مقبول ترین جوڑی ابھیشیک بچن اور ایشوریا رائے میں علیحدگی کی خبریں کافی عرصہ سے زیرگردش ہیں اور سوشل میڈیا پر یہ قیاس آرائیاں کی جاری ہیں کہ بالی ووڈ کی اس جوڑی کے تعلقات میں دراڑ آ گئی ہے۔
ابھیشیک اور ایشوریہ میں علیحدگی کی خبروں کے درمیان ایک ایسی ویڈیو بھی منظرعام پر آگئی ہے جس میں ان دونوں کے درمیان طلاق کا اعلان کیا گیا ہے۔
یہ بھی پڑھیں: ابھیشیک بچن اور ایشوریا رائے میں طلاق کی خبریں، اصل معاملہ کیا ہے؟
سوشل میڈیا پر وائرل ہونے والی ویڈیو میں ابھیشیک بچن کو کہتے سنا جاسکتا ہے، ’جولائی میں میں نے اور ایشوریہ نے علیحدگی کا فیصلہ کیا تھا۔‘
View this post on Instagram
وائرل ویڈیو کی حقیقت
بھارتی میڈیا نے مذکورہ ویڈیو کو ’فیک‘ قرار دیا ہے۔ اس حوالے سے کہا جارہا ہے کہ ویڈیو میں لپ سینکنگ کے مسائل ہیں اور یہ ویڈیو آرٹیفیشل انٹیلیجنس کی مدد سے بنائی گئی ہے۔
اگر ابھیشیک کی ویڈیو کا بغور جائزہ لیا جائے تو ویڈیو میں اداکار کی لپ سینکنگ کو واضح انداز میں نوٹ کیا جاسکتا ہے، اس کے علاوہ ویڈیو میں کیے گئے جوڑ توڑ بھی واضح ہیں جبکہ ابھیشیک کی گفتگو بھی نامکمل ہے ۔
یہ بھی پڑھیں: امیتابھ بچن نے ایشوریا کو کبھی بہو نہیں سمجھا، جیا بچن نے دونوں کے تعلق سے متعلق کیا کہا؟
واضح رہے کہ اس سے قبل اداکارعامر خان، رنویر سنگھ، کترینہ کیف، کاجول رشمیکا مندانا سمیت بالی ووڈ کی مشہور شخصیات کے خلاف بھی ڈیپ فیک ٹیکنالوجی کا استعمال ہوچکا ہے۔
بھارتی مین اسٹریم میڈیا اور سوشل میڈیا پر طلاق کی خبروں اور قیاس آرائیوں کے باوجود ابھیشیک بچن اور ایشوریہ کی جانب سے تاحال کوئی بیان جاری نہیں کیا گیا۔
ابھیشیک اور ایشوریہ کے درمیان علیحدگی سے متعلق قیاس آرائیاں اس وقت شروع ہوئیں جب ایشوریہ رائے کے شوہر ابھیشیک بچن نے ایک عوامی تقریب میں شرکت کی، تصاویر انسٹاگرام پر آئیں جن میں ابھیشک بچن نے شادی کی انگوٹھی نہیں پہنی ہوئی تھی۔
