ایڈیشنل ڈسٹرکٹ اینڈ سیشن جج جنوبی کی عدالت نے ایک بچے سے جنسی زیادتی کے مجرم سیف اللہ عرف قاری 7 سال قید بامشقت کی سزا سنادی۔
یہ بھی پڑھیں: مانسہرہ میں 8 سالہ بچی مبینہ جنسی زیادتی کا شکار، 64 سالہ ملزم گرفتار
جج اشرف حسین خواجہ نے سیف اللہ پر 50 ہزار روپے جرمانہ بھی عائد کیا جبکہ عدم ادائیگی کی صورت میں مجرم کو مزید 3 ماہ قید کاٹنی ہوگی۔
استغاثہ کے مطابق بچہ اپنے گھر کے باہر کھیل رہا تھا کہ سیف اللہ نے اس سے دودھ منگوایا، بچہ جب دودھ لے کر آیا تو مجرم اسے گھر لے گیا اسے زیادتی کا نشانہ بنایا۔ 2 دن بعد بچے کی طبیعت خراب ہونے پر چیک اپ کروایا گیا تو معلوم ہوا کہ بچے کے ساتھ زیادتی ہوئی ہے۔
پولیس کے مطابق بچے کی ماں نے ملزم کے خلاف تھانہ محمود آباد میں مقدمہ درج کروایا تھا۔ ملزم نے دوران ٹرائل صحت جرم سے انکار کیا تھا۔
مزید پڑھیے: ایف آئی اے کی کارروائی: بچوں سے جنسی زیادتی میں ملوث گینگ کا سرغنہ گرفتار
عدالت مے اپنے فیصلے میں قرار دیا کہ میڈیکل رپورٹ سے جنسی زیادتی کی تصدیق ہورہی ہے اور متاثرہ بچے کے بیان نے اِستغاثہ کے کیس کو سپورٹ کیا ہے۔
متاثرہ بچے کے بیان میں تضادات نہیں تھے اور استغاثہ سیف اللہ پر جرم ثابت کرنے میں کامیاب رہی۔
