معروف پاکستان اداکار شہزاد نواز مداحوں کی جانب سے ان کا بھارتی اداکار رنبیر کپور سے موازنہ کرنے پر ناراض ہوگئے۔
ادکار فیصل قریشی کے پوڈ کاسٹ ’پریشر بہت ہے‘ میں شہزاد نواز سے سوال پوچھا گیا کہ مداحوں نے انہیں بڑا رنبیر کپور کہنے کے بجائے پاکستانی شہزاد نواز کیوں نہیں کہا؟
یہ بھی پڑھیں:ڈراما سیریل ’جانِ جہاں‘ کی مکمل کاسٹ سامنے آگئی، نامور اداکار کردار نبھائیں گے
جواب میں انہوں نے کہا ’میں اس بات سے اتفاق کرتا ہوں کہ لوگوں کو کسی کا اس طرح موازنہ نہیں کرنا چاہیے، میرے مداحوں نے اس بارے موازنے کے حوالے سے بہت کچھ کہا، میں خوش قسمت ہوں کہ مداح میرے لیے بات کرتے ہیں، حالانکہ ان کی تعداد کم ہے۔‘
انہوں نے کہا کہ پاکستان میں لوگ ایسے موازنے سے خوش ہوتے ہیں لیکن مجھے اس پر غصہ آتا ہے۔ ’ میرا مطلب ہے کہ یہ لکھنے کے بجائے کہ وہ چھوٹا شہزاد نواز ہیں، انہیں لکھنا چاہیے کہ میں بڑا رنبیر کپور ہوں، یہ حیاتیاتی اعتبار سے درست ہے کیونکہ میں اس سے پہلے پیدا ہوا تھا۔‘
شہزاد نواز نے کہا کہ یہی بات پاکستان کے بڑے تاجروں پر بھی لاگو ہوتی ہے، وہ ‘پاکستانی بل گیٹس’ کہلانا پسند کرتے ہیں اور اس پر خوش ہوتے ہیں۔ ہمیں اپنے کام سے اپنے نام بنانے کی ضرورت ہے اور اس پر ہمیں فخر ہونا چاہیے۔
یہ بھی پڑھیں: کیا رنبیر کپور نے’اینیمل‘ میں مولا جٹ کے بابر علی کو کاپی کیا؟
یاد رہے کہ شہزاد نواز ایک باصلاحیت پاکستانی اداکار اور میڈیا پرسن ہیں، انہوں نے اپنے کیریئر کا آغاز اشتہارات سے کیا۔ شہزاد نواز بہت سے نجی چینلز کا حصہ رہے ہیں، نئی بات سمیت متعدد چینلز سے وابستہ رہے، شہزاد نے عبداللہ کادوانی کے ساتھ مل کر ایک فیچر فلم چمیلی بھی بنائی۔
انہوں نے گانوں کے لیے کوک اسٹوڈیو میں بطور وائس اوور آرٹسٹ کام کیا، حال ہی میں اداکار ڈراما سیریل ’میں‘ میں نمودار ہونے کے بعد توجہ کا مرکز بنے، ڈراما سیریل ’میں‘ میں شہزاد نواز نے مسٹر آصف کا کردار ادا کیا جسے شائقین نے بے حد پسند کیا،ان کا دوسرا مقبول ڈراما ’چلو محبت کی کوشش کریں‘ ہے۔
