امریکا کے جنوبی اور وسط مغربی ریاستوں کے مختلف قصبوں اور شہروں میں طوفانی بگولوں کے باعث کم از کم 26 افراد ہلاک اور درجنوں زخمی ہو گئے ہیں۔
طوفان اور بگولوں کی زد پہ آئی امریکا کی 8 ریاستوں میں ملک کے تقریباً 85 ملین افراد کو تباہی سے دوچار کردیا کر رکھا ہے جس کے باعث ہزار ہا شہری بجلی کی سہولت سے بھی محروم ہو گئے ہیں۔
طوفان کے باعث ریاست ٹینیسی میں 9، آرکنساس میں 4 اور الینوائے میں 4 ہلاکتیں ریکارڈ کی گئی ہیں۔ دیگر ہلاکتیں مجموعی طور پر انڈیانا، الاباما اور مسیسیپی ریاستوں میں ہوئی ہیں۔
امریکی میڈیا رپورٹس کے مطابق جمعہ کی رات کو متعدد طوفانوں نے کم از کم 8 ریاستوں کو اپنی لپیٹ میں لے لیا تھا۔
’ایک وسیع طوفانی نظام کے حصے کے طور پر جو جنوبی میدانی ریاستوں میں جنگل کی آگ اور بالائی وسط مغرب میں برفانی طوفان کے حالات لے کر آیا۔ طوفانی بگولوں نے گھروں اور کاروباری مراکز کو برباد کرتے ہوئے درختوں کو چیر پھاڑ کر رکھ دیا۔‘
آرکنساس کی گورنر سارہ ہکابی سینڈرز نے ہنگامی حالت کا اعلان کرتے ہوئے نیشنل گارڈ کے 100 ارکان کو فعال کیا تاکہ مقامی حکام کو جواب دینے میں مدد ملے۔
آرکنساس کے قضبہ وائن کے رہائشی ہفتہ کے روز اٹھے تو انہوں نے دیکھا کہ ہائی اسکول کی چھت کٹی ہوئی ہے اور اس کی کھڑکیاں اڑ گئی ہیں۔ بڑے بڑے درخت زمین پر پڑے تھے۔ ٹوٹی ہوئی دیواریں، کھڑکیاں اور چھتوں نے گھروں اور کاروباروں کو اجاڑ دیا۔
At least 57 tornadoes reported across 8 states yesterday… and another double digit death toll just one week after more than dozen lives were lost in Mississippi and Alabama — this tornado season is already horrific and we're just entering April https://t.co/a8PknCuE78
— Rob Marciano (@RobMarciano) April 1, 2023
ملبہ اور معمول کی زندگی کی یادیں تباہ شدہ گھروں کے ملبہ اور لان میں بکھری پڑی ہیں۔ ایشلے میکملن کے مطابق ان کے خاندان نے اپنے کتوں کے ہمراہ ایک چھوٹے سے باتھ روم میں بند ہو کر طوفان کو ٹالا۔
ایک درخت گرنے سے ان کے گھر کو شدید نقصان پہنچا، لیکن خاندان کے کسی فرد کو نقصان نہیں پہنچا۔ ’ایک دوسرے کو دعائیں اور الوداع کہتے رہے کیونکہ ہمیں لگتا تھا کہ ہم مر چکے ہیں۔‘
“ہم گھر کا لرزنا محسوس کر سکتے تھے، ہم اونچی آوازیں سن سکتے تھے جیسے برتنوں کی ہلچل اور پھر سب پرسکون ہو گیا۔‘
حکام کے مطابق آرکنساس کے لٹل راک کے علاقے میں، کم از کم ایک شخص ہلاک اور دو درجن سے زیادہ زخمی ہوئے، کچھ کی حالت نازک ہے۔
لٹل راک کے میئر فرینک اسکاٹ کا کہنا تھا کہ 2,100 مکانات اور کاروبار طوفان کے راستے میں تھے لیکن نقصانات کا ابھی کوئی اندازہ نہیں لگایا جاسکا ہے۔
ایڈمز وِل کے میئر ڈیوڈ لیکنر نے کہا کہ ریاست ٹینیسی میں، مسیسیپی کی سرحد کے ساتھ واقع شہر، میمفس کے مشرق میں میک نیری کاؤنٹی میں کم از کم 7 شہری ہلاک ہوئے۔
’زیادہ تر نقصان گھروں اور رہائشی علاقوں کو ہوا ہے۔ نقصانات کے تخمینہ کے لیے عملہ گھر گھر جا رہا تھا۔
بیلویڈیر، الینوائے میں، اپولو تھیٹر کی چھت کا ایک حصہ اس وقت گر گیا جب تقریباً 260 لوگ ہیوی میٹل کنسرٹ میں شریک تھے۔کنسرٹ کے شرکا نے 50 سالہ شخص کو ملبے سے باہر نکالا لیکن ایمرجنسی ورکرز کے پہنچنے سے قبل زخمی شہری جانبر نہ ہوسکا۔
