شوبز انڈسٹری کی مقبول جوڑی آغا علی اور حنا الطاف کے درمیان طلاق ہوگئی ہے، جس کی تصدیق معروف ٹی وی میزبان مدیحہ نقوی نے اپنے مارننگ شو کے دوران کی۔
سینئر اداکارہ شگفتہ اعجاز اور ونیزہ احمد نے حال ہی میں مدیحہ نقوی کے نجی ٹی وی پر پیش ہونے والے مارننگ شو میں بطورِ مہمان شرکت کی۔ ایک سیگمنٹ کے دوران شگفتہ اعجاز اور ونیزہ احمد کو مشہور اداکاروں کی تصاویر دی گئیں جس میں اُنہیں تصاویر دیکھے بغیر اداکار کے کام اور مقبولیت سے اس کا درست نام بتانا تھا۔
مزید پڑھیں:کیا ابھیشیک بچن نے ایشوریا رائے کو طلاق دے دی؟
شگفتہ اعجاز کے ہاتھ میں اداکار آغا علی کی تصویر آئی تو اس کا رُخ مدیحہ نقوی اور ونیزہ احمد کی جانب تھا، تاہم شگفتہ اعجاز کو معلوم نہیں تھا کہ اُن کے ہاتھ میں کس اداکار کی تصویر ہے۔ مدیحہ نقوی نے شگفتہ اعجاز سے کہا کہ آپ کے ہاتھ میں جس اداکار کی تصویر ہے ان کا تعلق لاہور سے ہے، ان کی شادی پاکستانی ڈراموں کی ایک مقبول اداکارہ سے ہوئی تھی لیکن بد قسمتی سے ان کی اپنی اہلیہ و اداکارہ (حنا الطاف) سے علیحدگی ہوچکی ہے، دونوں نے دوسری شادی نہیں کی اور سنگل لائف گزار رہے ہیں۔
مزید پڑھیں:اب تک کی مختصر ترین شادی، صرف 3 منٹ میں طلاق، وجہ کیا بنی؟
یہ سب سُننے کے بعد بھی شگفتہ اعجاز اس اداکار کو نہیں پہچان سکیں اور ہار مانتے ہوئے تصویر دیکھی تو کہا کہ یہ تو آغا علی ہیں۔ مدیحہ نقوی کی تصدیق کے بعد آغا علی اور حنا الطاف کے مداح کافی مایوس ہوئے ہیں۔
واضح رہے کہ آغا علی اور حنا الطاف نے سال 2020 میں کورونا کے دنوں میں لاک ڈاؤن کے دوران سادگی سے شادی کی تھی، تاہم 2 سال بعد دونوں کے درمیان علیحدگی کی خبریں سامنے آنی شروع ہوئیں۔ اگرچہ جوڑے نے اپریل 2022 میں افواہوں کی سختی سے تردید کی تھی، تاہم افواہیں گرم تھیں کہ دونوں اب ساتھ نہیں ہیں اور ان کی طلاق ہوچکی ہے۔
