متحدہ قومی موومنٹ پاکستان کے رہنما مصطفیٰ کمال نے مریم نواز کو جواب دیتے ہوئے کہا ہے کہ پیاری مریم بی بی! سندھ حکومت اگر اتنی اچھی ہوتی تو آپ کے ساتھ الیکشن میں کیوں اتحاد کرتے۔
مریم نواز کی ٹوئٹ کے جواب میں انہوں نے کہاکہ پریس کانفرنس میں پنجاب حکومت نہیں بلکہ وزیراعظم سے درخواست کی تھی۔
پیاری مریم بی بی، آپ کے قیمتی مشورے کا شکریہ! لیکن اگر ہماری سندھ حکومت کا حسن اخلاق اور برتاؤ پچھلے 15 سالوں سے اتنا ہی اچھا ہوتا تو ہمیں کیا ضرورت تھی کہ 2024 کے الیکشن سے 4 ماہ قبل ہم لاہور آ کر آپ کی پارٹی کے ساتھ غیر مشروط حمایت کا اعلان کر ڈالتے جس پر آج تک ہم قائم ہیں۔ میں… https://t.co/WAUqol9MGf
— Syed Mustafa Kamal (@KamalMQM) August 17, 2024
یہ بھی پڑھیں بجلی کے بلوں میں ریلیف، مریم نواز کا مصطفیٰ کمال کی تنقید پر جواب
انہوں نے کہاکہ ہمیں بھی جینے کا حق دیں کیونکہ ریاست ماں جیسی ہوتی ہے، ہم نے آپ کی غیرمشروط حمایت کی جس پر آج تک قائم ہیں۔
مصطفیٰ کمال نے کہاکہ گزشتہ کئی ماہ سے وزیراعظم سے ملاقاتوں میں بار بار توجہ دلائی، وزیراعظم نے سندھ کے شہریوں کے مسائل حل کرنے کی یقین دہانی کرائی تھی۔
واضح رہے کہ اس سے قبل مصطفیٰ کمال نے کہاکہ تھا کہ صرف پنجاب میں بجلی کی قیمتیں کم کرنے کا فیصلہ قبول نہیں۔
مصطفیٰ کمال کے اس بیان پر مریم نواز نے ٹوئٹ کرتے ہوئے کہا تھا کہ پیارے مصطفیٰ بھائی! پنجاب نے بجلی کے بلوں میں ریلیف مفت میں نہیں بلکہ اپنے عوام کے پیسے دے کر لیا ہے۔
یہ بھی پڑھیں حکومت پنجاب میں اگست اور ستمبر کے بلوں میں 14 روپے فی یونٹ کمی کرے گی، نواز شریف کا اعلان
مریم نواز نے کہاکہ بجلی کی قیمتوں میں کمی کے لیے پنجاب نے اپنے بجٹ سے 45 ارب روپے ادا کیے ہیں۔
مریم نواز نے کہاکہ مجھے خوشی ہوگی اگر آپ حکومت سندھ سے بات کریں اور وہ بھی اپنے عوام کو یہ ریلیف فراہم کریں۔
